Unha das citas que, tras sete ano, converteuse en imprescindible dentro das festas do Apóstolo. Feira e foliada en Mazarelos, conversas, concertos e fin de festa con Tres Pesos e Baiuca conforman o programa de este ano.
O TradFest 2025 ten como novidade o comezo nun lugar referencial para a cultura galega: O Museo do Pobo Galego. A xornada ábrese cun encontro baixo o título “Conversa con Antón Santamarina” e conducido pola poeta Alba Cid.
Na presentación da sétima edición do TradFest estiveron a concelleira de Festas, Pilar Lueiro, acompañada do promotor Vítor Belho, Felisa Segade do grupo Tres Pesos e do director de Agadic, Jacobo Sutil. Un evento promovido polo Concello de Santiago e La Voz de Galicia e producido por aCentral Folque e Nordesía.
Nesta edición terá un especial protagonismo a cultura oral representada polas cantareiras, como xa tiveron en outras ocasións e neste ano coincidindo co recoñecemento á poesía popular oral da Real Academia Galega (RAG). Durante toda a xornada se sucederán 12 concertos e ruadas e poderá visitarse a feira de artesanía en San Domingos de Bonaval, Mazarelos e A Quintana.
Os espectáculos musicais comezan co concerto da Banda de Música de Santiago, baixo a direcció de Casiao Mouriño e, nesta ocasión, co gaiteiro Pedro Lamas e a cantareira e pandeireteira Merchi Rodríguez ás 12.00 horas. Ao longo do día actuará o grupo Chruinne, o dúo Cocaha e Faltriqueira entre as 12.30 e as 20.30 horas antes do concerto de Tres Pesos ás 21.30 e Baiuca ás 22.30 horas na Praza da Quintana.
A concelleira de Festas animou a toda a veciñanza a seguir participando nas actividades do Apóstolo como ata o de agora e, especialmente, o domingo, un chamamento no que coincidiu o director da Agadic, entidade que apoia o TradFest. Felisa Segade animou a asistir á Quintana e avanzou que Tres Pesos o seu novo traballo ‘Cantares e contares’ e comprometeu que “haberá sorpresas” no espectáculo.
Avaliación do desenvolvemento das festas
Por outro lado, a concelleira de Festas aproveitou a comparecencia para destacar o desenvolvemento das festas que comezaron desafiando a chuvia. Neste sentido, agradeceu o esforzo de todos os grupos das Xornadas de Folclore Galego; destacou o éxito da xa consolidada Festa Pícara no parque Eugenio Granell onde a cativada e a non tan cativada gozaron das actividades e dos concertos; e destacou a actuación do grammy Youssou N’Dour, “que puxo a bailar unha Quintana a rebentar de xente, case dúas horas de concerto espectacular”.
Pilar Lueiro tamén agradeceu o traballo que desenvolve o persoal do Punto Lila, tanto na ubicación fixa como as parellas que se desplazan durante as actividades, nomeadamente concertos.
PROGRAMA TradFest Compostela 2025
TODO O DÍA
RUADAS durante toda a xornada con Os Viqueiras e Os Enxebres de San Lázaro
FEIRA de Artesanía e Música. Praza de Mazarelos.
MAÑÁ
MUSEO DO POBO GALEGO
11:30 – Acto de apertura: ‘Conversa con…’ Antón Santamarina. Conduce: Alba Cid
11:00 a 13:45 – Visitas á exposición “Cantareiras. Oralidad, creación, transmisión”
IGREXA DE SAN DOMINGOS DE BONAVAL
12:30 – Chruinne
PRAZA DA QUINTANA
12:00 – “PASEOS” da Banda Municipal de Música de Santiago de Compostela + Pedro Lamas: “De Bonaval á Quintana”. Dirixe: Casiano Mouriño. Canto e pandeireta: Merchi Rodríguez. Gaita: Pedro Lamas.
PRAZA DE MAZARELOS
13:00 – Foliada Asalto con Pesdelán
14:00 – Mediarea
TARDE
PARQUE DE BONAVAL
17:00 – Xiro
18:00 – Faltriqueira
19:15 – Irmaus da Raia Seca
PRAZA DE MAZARELOS
20:30 – Cocanha (Occitania)
NOITE
PRAZA DA QUINTANA
21:30 – Tres Pesos
22:30 – Baiuca
PROGRAMA TradFest Compostela 2025: Orde local
Zona Vella
RUADAS con Os Viqueiras e Os Enxebres de San Lázaro. Todo o día
MUSEO DO POBO GALEGO
11:30 – Acto de apertura: ‘Conversa con…’ Antón Santamarina. Conduce: Alba Cid
11:00 a 13:45 – Visitas á exposición “Cantareiras. Oralidad, creación, transmisión”
IGREXA DE SAN DOMINGOS DE BONAVAL
12:30 – Chruinne
PARQUE DE BONAVAL
17:00 – Xiro
18:00 – Faltriqueira
19:15 – Irmaus da Raia Seca
PRAZA DE MAZARELOS
Todo o día: FEIRA de Artesanía e Música. Praza de Mazarelos.
13:00 – Foliada Asalto con Pesdelán
14:00 – Mediarea
20:30 – Cocanha (Occitania)
PRAZA DA QUINTANA
12:00 – “PASEOS” da Banda Municipal de Música de Santiago de Compostela + Pedro Lamas: “De Bonaval á Quintana”. Dirixe: Casiano Mouriño. Canto e pandeireta: Merchi Rodríguez. Gaita: Pedro Lamas.
21:30 – Tres Pesos
22:30 – Baiuca
