Ordes, 26 de febreiro do 2021 – O alcalde de Ordes, José Luís Martinez, expulsou do pleno ao voceiro do BNG, Pablo Vidal, despois de sucesivos enfrontamentos.
As habituais discusións entre o rexedor de Ordes e o voceiro nacionalistas comezaron en esta ocasión por dúas mocións sobre a transferencia da AP-9. A urxencia da do BNG foi rexeitada mentres a do PP aprobada sen que o secretario puidera explicar moi ben en que se diferenciaban.
Mesmos contidos
BNG e Partido Popular presentaban no pleno sendas mocións sobre ab transferencia da autoestrada e reclamando bonificacións. O ser rexeitada a urxencia da moción nacionalista, e aprobada a do PP, o voceiro do BNG presentaba unha cuestión de orde ao secretario que non sabía ben que respostar
Ao remate da súa intervención Pablo Vidal anunciaba o voto a favor da moción do PP e recrimináballe ao alcalde a súa actitude co conseguinte enfado de José Luís Martínez
A primeira chamada ao orde do alcalde ao voceiro do BNG produciuse cando Pablo Vidal recriminoulle ao alcalde que fixera intervencións políticas cando a moción a estaba presentando a concelleira Susana García e non el
A partir de aí os enfrontamentos continuaron rematando coa expulsión de Pablo Vidal. O nacionalista achaba a actitude do alcalde a un estado de “nerviosismo e covardía política, tratando de ocultar as carencias da súa xestión con bravuconadas e continuas faltas de respecto para evitar ou enlamar o debate” algo que segundo opina “demostra unha vez mais que o posto de alcalde de Ordes quédalle moi grande, xa que non só ten confrontacións coa corporación municipal, se non coa propia veciñanza, cos alcaldes dos concellos veciños e incluso cos representantes doutras administracións públicas”.