Compostela, 5 de outubro do 2021 – A xornada de Curtocircuíto de este martes comeza as cinco e media no Teatro Principal coa segunda proxección da sección Explora.
Os traballos Best Year Ever, de James Kienitz Wilkins; The Parents’ Room (La Chambre des parents), de Diego Marcon; Surviving You, Always, de Morgan Quaintance; e Misty Picture, de Christoph Girardet e Matthias Müller forman o Explora de hoxe.
Ás 19.00 no Teatro Principal terá lugar o pase de Sisters with transistors, o documental da sección Playlist onde Lisa Rovner narra a historia non contada das pioneiras da música electrónica.
A xornada continúa coa segunda, e última proxección, da sección Planeta GZ, que amosa os mellores traballos cinematográficos galegos do ano. No pase, que terá lugar ás 21.30 horas, proxectaranse as últimas seis pezas dos doce que compoñen a sección a competición. Son: Eu máis, de Ángel Montero Vázquez; Os Corpos, de Eloy Domínguez; Augas abisais, de Xacio Baño; Inside the microtubule, de Judith Adataberna; Fade to Black, de Alejandra Pombo Suárez; e Radio Cu Cu, de Berio Molina. Tamén despois da proxección terá lugar un coloquio cos directores e directoras.
Curtocircuíto e The Screen, a iniciativa de industria da ECAM, apostan nesta edición por impulsar o talento emerxente, proporcionando a novos cineastas ferramentas e coñecimentos para levar a cabo os seus proxectos. Varios proxectos galegos traballarán con Teresa Morales de Álava aspectos relacionados con marketing, como o posicionamiento das súas longometraxes, os ángulos de venda e liñas vermellas, branding e creatividade ou a relación coa prensa e as relacións públicas. Os proxectos seleccionados nesta ocasión son Anoche conquisté Tebas (Gabriel Azorín, Filmika Galaika, Dvein), Así chegou a noite (Ángel Santos, Miramemira), Cando toco un animal (Angel Filgueira, Sétima Media), Crías (Xiana do Teixeiro) e As defensas (Lucía Estévez, Cósmica Producións).
Ademais, tera lugar a primeira actividade online do festival. A redes sociais do festival seguirán funcionando tamén nesta edición como unha das sedes dixitais de Curtocircuíto. As personas interesadas poderán seguir desde a canle de Facebook ou YouTube as tres conversacións moderadas por Marta Ramos-Yzquierdo. Versarán sobrecos centros de creación, a relación do audiovisual co corpo e o movemento, e sobre como as raíces culturais e o territorio funcionan como punto de partida na construción da identidade e, por tanto, da arte. A primeira delas terá lugar mañá a cargo de Almudena Escobar (The Flaherty Seminar), Marta Andreu (Residencias Walden) e Valen Via (Casa de Lava).
