Touro, 28 de marzo do 2022 – Según denuncia o colectivo Arzúa Sostible, varios centos de persoas reuníronse, nunha coñecida sala de festas de Touro, nun evento a favor da mina que incumpriu a normativa sanitaria.
A velada a favor da mina tivo lugar o pasado venres e cando, según o comunicado, “Galicia está a presentar a máxima incidencia acumulada de Coronavirus a nivel peninsular atopándose en risco moi alto de contaxio”.
Ä discoteca acudiron centos de persoas e según testemuñas presenciais (que nos fixeron chegar imaxes que non poden ser usadas de xeito público) “non se respectaron moitas das recomendacións establecidas en relación coa pandemia, feitos que veñen de poñerse en coñecemento da Consellería de Sanidade”.
Segundo relatan, aínda que na entrada a organización entregou máscaras hixiénicas aos asistentes durante o evento non se respectou na meirande parte dos casos a distancia social e moitos participantes renunciaron a usala en distintos momentos do acto como así o demostran as imaxes mencionadas.
Desde Arzúa Sostible fan constar “o seu rexeitamento a este tipo de actitudes que supoñen unha irresponsabilidade e un risco evidente para a saúde pública”. Fontes veciñais sinalan que moita da xente participante non tiña relación algunha nin cos concellos de Touro e O Pino nin coa comarca de Arzúa polo que “unha vez máis demóstrase que o único que pretende a asociación instrumental da mineira Cobre San Rafael é simular un apoio e unha licenza social da que realmente carece”.
