Bisbarra, 16 de novembro do 2021 – Supermercados Gadis únese desde este venres á campaña solidaria “a gran recollida”, impulsada a nivel nacional pola Federación Española de Banco de Alimentos FESBAL
Gadis, desde este venres, 19 de novembro, e ata o día 28, invita aos seus clientes a realizar doazóns en 196 puntos de venda de Galicia e Castela e León. Algúns establecementos contarán con voluntarios para informar sobre esta acción.
O formato elixido é mediante achega económica nas caixas no momento de abonar a compra. Os clientes que contribúan recibirán un comprobante conforme realizaron a doazón.
Para facilitar a loxística, volve repetir o sistema de doazón económica implantado en 2020. Unha fórmula que, o ano pasado, puxo de manifesto a gran xenerosidade dos clientes de Supermercados Gadis que doaron, en total, 481.392 €
Unha vez máis, todo o que se recade irá destinado aos 11 bancos de alimentos cos que a compañía colabora habitualmente: Rías Altas (A Coruña, Ferrol e Santiago), Lugo, Ourense, Vigo, Ávila, León, Palencia, Ponferrada, Salamanca, Valladolid e Zamora.
Supermercados Gadis coopera coa Gran Recollida desde o ano 2014. Esta iniciativa ponse en marcha a finais do mes de novembro co obxectivo de axudar aos bancos de alimentos para as festas do Nadal.
Esta acción enmárcase no programa de Responsabilidade Social Corporativa da compañía, no que a solidariedade é un dos principais eixos, tanto a través de apoio a ONG’ s, asociacións de diversa índole e institucións, como co desenvolvemento de iniciativas propias. Unha das máis coñecidas, tamén a favor dos bancos de alimentos, é Maio Solidario.
