O partido formado e presidido polo ex socialista Pachi Vázquez ten na nova executiva dúas mulleres de Ames: Luisa Feijoo e Carmela Pardal.
Nun momento no que o PSdG non pasa polos seus mellores momentos un partido saído das súas filas como Espazo Común aproveita para renovar a executiva galega. Nas últimas eleccións autonómicas presentáronse dentro da plataforma Espazo Común Galeguista.
En ese comicios só conseguiron 1492 votos pero Pachi Vázquez insistía en que era un proxecto a longo prazo e que en Galicia existían 400 concelleiros independentes, número que a estas alturas aumentou. Na actualidade teñen 13 concelleiros en toda Galicia e forman parte do goberno de A Guarda.
Na bisbarra o referente é Ames onde conseguiron unha concelleira, Luísa Feijoo, saída tamén do Psoe local. Agora de xeito máis ou menos disimulado todos miran aos expulsados de Santiago e as decisións que tomen.
Unha executiva con presenza feminina e amiense
A nova executiva de Espazo Común Galego segue liderada por Pachi Vázquez, fundador do partido. Nun acto no Caballiño elixiron tamén a Luisa Feijóo, voceira de Ames Espazo Común, como Secretaria de Coordinación e Carmela Pardal, tamén de Ames, que ocupa a Secretaría de Política Social. O mazaricán Javier González Trillo pasa a ocupar o cargo de Secretario de Organización.
Ao acto asistiron representantes de diferentes formacións que, segundo se dixo, conforman alternativas políticas aos “3 de sempre” e na que contouse cá presenza de Xosé Antonio Ventoso Mariño, un ex socialista que chegou a ser parlamentario e alcalde de Ribeira. Mariño pediu a suspensión de militancia no 2010 por sentirse “acosado pola executiva”.
As vindeiras eleccións locais do 2027 volverán a poñer a proba a forma de este movemento e que capacidade ten de reunir apoios e, o máis importante, votos.
