Oroso, 30 de xuño do 2017 – O alumnado da Escola Municipal de Música José Verea de Oroso ofrecerá hoxe venres 30 de xuño, ás 19:00 horas, o seu tradicional concerto de fin de curso.
A cita será no centro cultural de Sigüeiro e a entrada é totalmente libre e de balde.
Polo escenario do centro cultural Fernando Casas e Novoa pasarán agrupacións corais e combos de música dos rapaces e rapazas da Escola, algúns acompañados polos seus mestres e que ofrecerán un variado repertorio musical. A actuación estará presidida polo concelleiro de Cultura, Luís Rey Villaverde, e estará dirixida por Juan Salgueiro, director da Escola José Verea.
