Bisbarra, 26 de febreiro do 2025 – O concello de Dodro abriu este martes a inscrición no festa de disfraces que celebrará o Entroido no pavillón municipal.
A festa celebrarase o vindeiro 4 de marzo no pavillón municipal a partir das cinco da tarde. Unha cita que ademais do concurso terá animación musical, “photocall” e orellas doces ademais de moitas ganas de pasalo ben divertirse.
Categorías e premios
O concurso terá distintas categorías que comezan por dúas de infantil, ata os 6 anos e de 7 a 12. En cada unha o primeiro premio serán 60 €. A continuación está xuvenil, de 13 a 17 anos, que optan a un premio tamén de 60€. A categoría adulta, para máis de 18 anos, terá dous premios de 100 € aos mellores disfraces.
As parellas competirán por un primeiro premio de 150 € e un segundo de 125 €. Os grupos a un primeiro de 300 € e un segundo de 200€. O montante de tódolos premios que se entregarán supera os 1000 euros.
As bases completas foron publicadas no BOP; Boletín Oficial da Provincia, o pasado 18 de febreiro. As inscricións poden realizarse ata o 3 de marzo ás 14:00 horas, no rexistro xeral no concello ou por medio da administración electrónica.
A veciñanza ten máis información chamando ao departamento de cultura de Dodro, no 981802472.
