Ames, 17 de febreiro do 2022 – A Asociación Galega de Familias de Acollida (Acougo) vai iniciar “Xuntanzas en familia”, unha serie de reunións entre persoas da comunidade do acollida, co fin de compartir dúbidas, experiencias ou preocupacións.
O primeiro encontro realizarase este sábado 19 de febreiro ás 17.00 horas, no antigo centro de saúde do Milladoiro. Para participar nesta xuntanza sobre acollida familiar, cómpre contactar a Acougo no teléfono 622 672 188, ou ben no enderezo electrónico info@acougo.gal.
O obxectivo de estas reunións é reforzar a comunidade do acollemento e fortalecer esta rede de colaboradoras e colaboradores. En Galicia hai máis de un milleiro de menores en centros residenciais, mentres as súas propias familias non poden facerse cargo deles. As familias de acollida buscan aportar unha solución a este problema, aportando un recurso temporal e revocable, co fin de que os e as menores poidan gozar dunha situación mellor e máis estable
Este primeiro encontro terá lugar no Milladoiro, despois de que Acougo compartira un formulario para solicitar datos ás persoas interesadas en participar nestas xuntanzas, para así poder escoller localizacións, horarios e datas que se adaptasen favorablemente á maior cantidade de xente.
Para participar nesta xuntanza, débese contactar con Acougo, a través do número de teléfono 622 672 188 ou do enderezo electrónico info@acougo.gal.
