Están dentro do tecido empresarial da cidade pero as veces pasa desapercibido o modelo de empresa que usan. As empresas de economía social usan alternativas máis humanas e cunha rendemento máis xusto.
A concellaría de Dereitos e Servizos Sociais de Compostela destinará case 115.000 euros a 29 empresas de economía social. O obxectivo é consolidar e manter este tipo de entidades. Negocios como cooperativas, sociedades laborais, centros especiais de emprego ou empresas de inserción.
Como na convocatoria anterior, valorouse especialmente a presenza de mulleres e de persoas con discapacidade ou en situación de risco de exclusión nas empresas beneficiarias. Na convocatoria resultaron beneficiarias 7 entidades máis que na anterior.
Volve medrar tamén o orzamento total destinado ás axudas, que se achega aos 115.000 euros, 5.000 euros máis que na pasada convocatoria, e 28.000 euros máis que na convocatoria de 2023.
As entidades beneficiarias atenden a diferentes modelos de economía social e tamén a diferentes sectores produtivos. Así, recibirán a axuda Arroupa Santiago, Compostela Inserta, Flying Fun, Asitecno, Miraxe, Cidadanía, Feitoría Verde, Lirio Media, Urdime, Almazen de Yoga, e Rostros y Mas.
Tamén resultaron beneficiarios na convocatoria Entrelampo, Maos Innovación Social, Culturactiva, Salgueiriños de Consumo, 7H, ASPAS Emprego, Nave de Lata, Illa Bufarda, Obregon y Arias, Arabias, Sacauntos e A Casa da Quenlla.
Por último, completan a lista de entidades beneficiarias nesta convocatoria a Asociación Compostelá de Autotaxi, Rayados, Comunidade Creativa, Artefacto Producións, Abeluria e Numax.
