Eleccións 23, 17 abril – As eleccións do 28 de maio están cada vez máis cerca e os partidos aceleran o ritmo para chegar á campaña con todo definido e centrarse na difusión.
Nos últimos días imos coñecendo as listas dos partidos de cara ás eleccións. O concello de Ames chega aos comicios con variadas opcións nos espectros ideolóxicos. Tanto o votante de esquerdas como o de dereitas verase obrigado a pensar moito o que fai.
Ames amplía a oferta
Queda unha semana para presentar as candidatura e algúns aínda están valorando si se presentarán ou non. A dificultade de conseguir integrantes para as listas é un feito que pode deixar fora a máis dun partido. É o caso de Contigo Pódese que trala renuncia a presentarse de Gemma Otero parecía que quedaba fora das eleccións pero algunhas fontes apuntas a que Vanesa Ónega será a candidata e traballa na confección dunha lista.
O Partido Popular ven de anunciar a incorporación á súa lista de José Ramón Oulego, concelleiro de Ciudadanos en esta lexislatura. Oulego di que tras ver “a deriva do seu antigo partido” cre que esta é “a mellor opción para os veciños de Ames”.
En Ames tamén se presentará Vox. O partido ven de ratificar a Andrés Pena Vites como candidato. Del di o partido que é “Creador dixital e ten experiencia na xestión de este tipo de plataformas”.
Si sumamos Espazo Común, UCIN, Psoe e BNG, o electorado amiense terá un amplo espectro de partidos e candidatos nos que elixir. O feito de superar os 30.000 habitantes pode inclinar a balanza da Deputación da Coruña polo que se presume unha campaña moi intensa en este concello.
O resto polo mesmo camiño
Psoe e PP seguen avanzando listas e incorporacións en outros concellos. Borja Verea ven de desvelas unha lista á que incorpora a María Baleato, subdirectora xeral na Secretaría Xeral de Emigración, no número dous e Yolanda Otero, subdirectora xeral de Recursos Residenciais e Atención Diúrna de Maiores, no tres. No catro estará o actual voceiro no concello, José Antonio Constenla, un dos tres únicos concelleiros que Verea manterá da lista de hai catro anos.
En Oroso o Psoe incorpora tamén a dúas mulleres a súa lista. Miriam Mosquera García e recepcionista dun hotel e sempre estivo vinculada ao sector da hostalería xa que os seus país rexentan un bar. Pola súa parte María José Blanco Castro é técnico superior en Actividades Físico Deportivas, en Animación Sociocultural e en Educación Infantil e traballa como educadora infantil.
Presentacións
Ao mesmo tempo vanse coñecendo datas de presentacións. O Psoe de Ames o fará na Casa da Cultura de Bertamiráns o xoves 20 as oito e media da tarde. O de Teo o sábado 22 no auditorio da Ramallosa as oito da tarde. Ao longo da semana coñeceranse seguramente máis novidades das listas e dos próximos actos, o evidente e que o tempo acábase e nunha semana máis ou menos xa coñeceremos todo o que se presenta en todos lados e con quen se presenta.
