Teresa Rey, actual concelleira e firmante da denuncia
Padrón, 9 de maio do 2019 – Hai unhas semanas Teresa Rey, portavoz de Veciñ@s de Padrón, anunciaba que non se presentarían as eleccións e que viñan de entregar en fiscalía probas de presuntos delitos do equipo de goberno de Antonio Fernández Angueira.
A renuncia a presentarse de Veciñ@s de Padrón e Alternativa por Padrón e a integración do Partido Galeguista no Partido Popular leva a vila a un afastado pasado electoral. De novo en liza PP, Psoe, BNG e unha CIPA baixo as siglas de Compromiso x Galicia; nin Ciudadanos, nin Marea algunha, unha volta en toda regra a 8 anos atrás. Lindeiros quixo falar con Teresa Rey sobre a renuncia de Veciñ@s, sobre a denuncia presentada ante fiscalía e tamén sobre este decorado municipal.
Comezamos preguntando pola renuncia a presentarse ás eleccións. As presións para non entrar en política sempre existiron pero nos últimos meses e, sobre todo, cando se coñeceu a lista definitiva incrementáronse un cen por cen
Veciñ@s foron xunto con Alternativa por Padrón a novidade nos últimos anos, a renovación. A noticia de que Cesáreo Pardal, portavoz de AxP, sería presidente do Cluster do Turismo de Galicia e que a súa formación non se presentaría tampouco as eleccións non foi unha sorpresa para Teresa Rey e non cre que teña nada que ver tamén con presións
Para a portavoz de Veciñ@s non foi o momento para entrar en política, faltou unha implicación da cidadanía que sustentara o proxecto antes as presións alleas. É curioso, di, que cando deciden abandonar e cando máis apoio atopan
Teresa Rey decidiu levar a Fiscalía unha documentación que, si é tida en conta e admitida a denuncia a trámite, pode supoñer un serio problema para o actual alcalde e o seu equipo de goberno. A aínda concelleira asegura que en público nunca fala ou actúa sen probas
Nunha reflexión final Teresa cóntanos algo que xa temos escoitado en máis ocasións e en máis vilas; cando se presentaron por primeira vez alguén pediulles un posto de traballo como compensación por ir na lista, ante a negativa esa persoa acabou indo en outra formación
Padrón segue atrapada en xeitos de política propias de hai 40 anos, o domingo 26 hai como cada 4 anos unha posibilidade de cambio pero da a sensación de que os padroneses, pese as queixas, están acostumados a vivir así. Estaremos atentos e contaremos todo o que aconteza non só nos comicios se non tamén coa denuncia.
