займ срочно

Eleccións 23: Bugallo mantén aos principais concelleiros e incorpora a Leiceaga

0

Eleccións 23, 10 de marzo – O PSdeG de Santiago presentou onte a lista coa que concorrerá ás eleccións do 28 de maio con Xosé Sánchez Bugallo como candidato.

A agrupación socialista aprobou nunha asemblea extraordinaria a lista de cara ás eleccións. O actual alcalde mantén nos primeiros postos a Mercedes Rosón, Mila Castro, Sindo Guinarte e Gonzalo Muíños e incorpora no número 3 a Xaquín Fernández Leiceaga.

Leiceaga xa fora concelleiro de facenda en Compostela tras a súa saída do BNG no ano 2002. Na actualidade é senador. Ë Doutor en economía pola USC e profesor titular de economía aplicada.

Desaparecen da lista nos primeiros postos a actual concelleira de deportes, Esther Pedrosa, e o concelleiro de educación Rubén Prol; este último moi cuestionado ao longo de toda a lexislatura.

Sorprende no posto número nove Antonio Bermúdez, xornalista de deportes na Cadena SER e persoa coñecida na cidade des hai moitos anos e fillo dun histórico do deporte e da radio da cidade. Bermúdez concorre como independente, a mesma condición que Isabel Gómez Cambón, procedente do tecido asociativo de A Gracia. Xunto antes del, no posto 8, incorpórase a enfermeira do CHUS Marta Álvarez.

Xosé Sánchez Bugallo

Bugallo dixo que a lista está formada por xente  “con experiencia de xestión” e “comprometida coa cidade por enriba de calquera sigla ou sentimento” e insistiu en que “o que nos importa é Santiago, as nosas veciñas e veciños, por enriba de todo”. De xeito testimonial pecha a lista a secretaria de Estado de Cooperación Internacional, Pilar Cancela.

 

  1. Xosé Antonio Sánchez Bugallo
  2. Mercedes Rosón Ferreiro
  3. Xaquín Fernández Leiceaga
  4. Mª Milagros Castro Sánchez
  5. Gumersindo Guinarte Cabada
  6. Marta Abal Rodríguez
  7. Gonzalo Muíños Sánchez
  8. Marta Álvarez Vázquez
  9. Antonio Bermúdez Vaamonde. Independente.
  10. Isabel Gómez Cambón. Independente
  11. Aitor Bouza Manso
  12. Begoña Rodríguez Rodríguez
  13. Rafael Sexto Alende. Independente.
  14. Ana Carricoba Engroba
  15. Antonio Llovo Guillán

Pechando a lista:

  1. María Sesar Vázquez
  2. Joaquín Buergo del Río
  3. Pilar Cancela Rodríguez

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies