Eleccións 23, 24 de maio – Vai rematando a campaña e Compostela Aberta escolleron o mesmo día e a mesma hora para celebrar os seus actos centrais de cara as eleccións do día 28.
Uns centos de metros separaron ambos os dous actos. Compostela Aberta repetiu na Sala Capitol e o BNG elixiu a praza de Cervantes. A María Rozas a acompañou Martiño Noriega mentres que Goretti Sanmartín estivo arroupada por Ana Pontón.
María Rozas pediu o apoio nas eleccións do domingo “a todas as persoas que queren un Santiago moderno, acolledor, que recupere a súa vitalidade e que estea na vangarda das políticas progresistas, porque iso é algo que só pode garantir Compostela Aberta”. A candidata reinvidicou que “somos o voto útil para non volver aos anos negros do PP, pero tamén para saír da inercia na que Bugallo ten sumido ao Concello”.
Goretti Sanmartín pola súa banda destacou que o seu obxectivo “é transformar Santiago porque o BNG ten un proxecto ambicioso para poñer en marcha un Santiago en grande”. Goretti engadiu que “Se o BNG recibe os mesmos votos que nas pasadas eleccións galegas, estamos en clara disposición de contar coa Alcaldía e de facer historia”, sinalou a candidata.
