Eleccións 23, 19 de maio – Rematamos esta serie de 5 preguntas sobre as eleccións, aos candidatos das tres vilas máis poboadas da bisbarra, en Teo.
Como nos outros dous artigos, son cinco preguntas que non coñecían previamente e son as mesmas para todos. As eleccións en Teo deixan a maior posibilidade de que o concello teña unha alcaldesa xa que só hai un home entre as formacións que teñen representación na actualidade.
Lucía Calvo – Partido Popular
Lucía Calvo de la Uz traballa como persoal eventual do PP no Parlamento de Galicia. No 2019 ocupou o número seis da lista liderada por Manuel Guerra polo que a súa designación como candidata foi unha sorpresa para moita xente. Máis sorpresa supuxo que Guerra continuara na lista como número dous cando o habitual é que o que se marcha vaia nun posto sen opcións de ser elixido. Defínese como boa xestora e en esta campaña está sendo apoiada desde o partido con primeiros espadas como Borja Sémper que acudiu ao acto de presentación.
Valoración da Lexislatura
Que precisa Teo
Que destaca da súa lista electoral
Primeira decisión realista que tomaría
O mellor e o peor como candidato
María López – Proxecto Común de Teo
María López é Licenciada en Bioloxía e funcionaria de Educación dende o ano 2010. Moi vinculada aos movementos ecoloxistas, foi responsable local da Asociación Verdegaia en Compostela. Proxecto Común substitúe á Son de Teo, a marea municipalista liderada no 2019 por Rafa Sisto, actual alcalde. Foi en esta lexislatura concelleira de lingua e mocidade e presentase cun proxecto propio que conta co apoio de Sisto e Martiño Noriega. Consecuencia de esta renovación algúns dos actuais concelleiros declinaron o convite para ir na lista liderada por María López.
Valoración da Lexislatura
Que precisa Teo
Que destaca da súa lista electoral
Primeira decisión realista que tomaría
O mellor e o peor como candidato
Uxía Lemus – Psoe
Uxía Lemus é licenciada en Ciencias Políticas e da Administración e Doutora en Ciencia Política. Desde o 2007 é funcionaria de urbanismo en Oroso. Tras a caída e marcha de Jano Leís no lonxano 2011, no que o Psoe pasou de catro a un concelleiro, Uxía Lemus asumiu a dirección do partido e quedou como única concelleira socialista. Aproveitou o mandato porque catro anos despois duplicou o número de concelleiros, tendencia que se confirmou no 2019 conseguindo chegar aos 4 concelleiros e quedando por detrás de Son de Teo por un puñado de votos. Desde o 2015 e ata hai dous anos formou parte do goberno municipal grazas a un acordo con Son de Teo que foi rachado de xeito unilateral por Rafa Sisto e o seu grupo, un suceso sobre o que cada quen ten a súa versión sen que haxa un consenso xeral sobre as razóns.
Valoración da Lexislatura
Que precisa Teo
Que destaca da súa lista electoral
Primeira decisión realista que tomaría
O mellor e o peor como candidato
Eloi Devesa – BNG
Eloi Devesa, carteiro de profesión, foi o último en chegar xa en tempo de desconto. Patricia Castelao xa fora designada como candidata, e mesmo presentada polo BNG nun acto con Ana Pontón, cando renunciou por diferencias internas co partido a nivel local e xeral. O BNG tivo en esta lexislatura catro voceiros no concello, unha anomalía nun partido habitualmente estable. Devesa explicou desde o primeiro momento que nada cambiou e que a marcha de Castelao deveuse a razóns persoais. Máis a campaña trouxo unha nova polémica xa que colocaron pancartas 48 horas antes do comezo oficial, unha acción denunciada ante a Xunta Electoral polo PP. A Xunta Electoral comunicou ao BNG que debía retiralas e abriu un expediente sancionador aínda sen resolver.
Valoración da Lexislatura
Que precisa Teo
Que destaca da súa lista electoral
Primeira decisión realista que tomaría
O mellor e o peor como candidato
