займ срочно

Eleccións 23: promesas e denuncias

0

Eleccións 23, 8 de maio – Quedan días para que comece a campaña electoral e os partidos poñan todo sobre a mesa pero xa nas últimas semanas o número de promesas vai crecendo ata unha certa irrealidade.

Ao mesmo tempo a Xunta electoral xa tivo que poñerse o traxe de arbitro e advertir de que está permitido e que non. Denuncias que, por chegar despois dos sucesos, serven sobre todo como munición de campaña.

Un circuíto de velocidade

Todos os partidos en todos os concellos comezaron a mostrar promesas electorais que van do habitual ao esperado e, en ocasións, ao sorprendente. Compostela é a que vive unha loita máis activa e todo entra en liza.

De entre todas as propostas a máis sorprendente é a do partido veciñal Por y Para Santiago. Na primeira propaganda enviada aos domicilios anuncian a construción dun “circuito de carreras de 300.000 m2 para coches, motos, karts y otros deportes”. O partido do candidato Ángel Jiménez explica que traerá un turismo non estacional que servirá de fluxo de inversión ao longo de todo o ano.

O circuíto galego de velocidade foi unha idea na que a Federación Galega traballou durante moito tempo sen chegar a realizarse. O máis próximo foi unha proposta de construción ao carón do recinto da Semana Verde que pese a contar co apoio da Xunta nunca se levou a cabo.

Denuncias

Por outra banda a Xunta Electoral xa tivo que poñerse a traballar. Hai unha semana advertiu ao Psoe de Santiago por unha carta, enviada desde o concello, explicando as melloras do servizo de recollida de lixo.

Compostela Aberta o denunciou xa que a cata estaba asinada polo alcalde e cos logotipos oficiais do concello. A Xunta electoral doulle a razón e advertiu de que abrirá expediente sancionador de repetirse o envío.

Desde o Psoe explican que a carta enviouse dentro dos prazos legais pero un retraso de correos na entrega foi o que provocou que chegara xa en precampaña.

Vila de Cruces

En Vila de Cruces o BNG denuncia irregularidades na entrega das notificacións das mesas electorais. Foi o propio Tenente de alcalde do equipo de goberno o que as entregou explicando que non hai funcionarios suficientes para facer ese traballo.

O BNG pide que se actúe segundo marca a lei, xa que se incumpriron os prazos de entrega, e nalgúns casos se entregaron as notificacións a persoas que non son as propias interesadas, ademais de non ter entregado o manual. Isto pode supoñer un problema o día das eleccións, porque pode haber xente que non teña coñecemento de estar notificada.

Share.

Comments are closed.