Eleccións 2023, 20 de febreiro – O candidato do BNG de Ames nas videiras municipais, David Santomil, mantivo un encontro a pasada semana cos medios de comunicación. Tres días despois coñecíase a renuncia de Patricicia Castelao que se presentaba por Teo.
As vindeiras eleccións municipais acércanse cheas de incertezas. Hai candidatos, de distintas formacións, que aínda non están decididos e outros decidíronse hai só uns días. O caso de Patricia Castelao é inédito a tres meses das eleccións e contrasta co optimismo de David Santomil no concello limítrofe de Ames.
David Santomil comeza con forza
David santomil presentouse ante os medios de comunicación cos deberes feitos. Cun discurso claro, coa data do primeiro acto xa fixada e, aínda que optimista, cunha certa prudencia que dado o contexto non está de máis.
O candidato explicou que o obxectivo é ser a lista máis votada e frear o crecemento do Partido Popular que se está a producir en distintos lugares. Santomil engade que, sen subestimar ao PP, son unha alternativa en Ames a outras formas de gobernar
Unha das claves en este concello pode ser a marcha de José Miñones á Delegación do Goberno que levou a Blas García a ocupar o cargo de alcalde. David Santomil considera que tras unha situación de “interinidade” todos parten de cero pero que as sensacións son boas para o BNG
O candidato explica que basearon sempre o seu traballo nos feitos. Preguntado polo caso concreto da humanización do Milladoiro, Santomil lembra que non hai orzamentos para esa infraestrutura e advirte de que os teóricos nove millóns previstos poden ser moito máis como xa sucedeu co novo colexio
Sobre o colexio
David Santomil presentará a súa candidatura nun acto que se celebrará o vindeiro día 24 na Casa da Cultura do Milladoiro a partir das oito e media da tarde.
