займ срочно

Pedro Blanco visita Dodro para interesarse polos proxectos do municipio

0

Bisbarra, 3 de xaneiro do 2024 –  O delegado do Goberno en Galicia, Pedro Blanco, visitou o Concello de Dodro, onde mantivo un encontro co alcalde da localidade, Xabier Castro.

Blanco e Castro repasaron os distintos proxectos que ten en marcha o municipio. Tamén tiveron ocasión de analizar as posibles vías de colaboración do Goberno de España para continuar coa mellora dos servizos públicos en Dodro.

No transcurso da xuntanza, o delegado puxo en valor o compromiso do Goberno de Pedro Sánchez cos municipios galegos, “con todos e cada un deles, tanto cos grandes como cos concellos rurais como o de Dodro”, que están a transformarse e modernizarse grazas aos distintos programas de investimentos estatais e aos fondos do Plan de Recuperación.

Pedro Blanco citou actuacións no concello como a mellora da iluminación pública municipal ou a intervención de Costas para restablecer os ecosistemas e os espazos degradados na Marisma de Dodro. Unha intervención que actuou nun espazo de especial valor ecolóxico para retirar as árbores inestables ou enfermas e tamén eliminar as especies alóctonas e invasoras ao longo dunha franxa costeira de máis de 6 quilómetros na Marisma

Estes traballos forman parte das actuacións de tratamento da vexetación e recuperación do dominio público marítimo terrestre que leva a cabo a Demarcación de Costas da Coruña por importe de 2,3 millóns de euros na provincia, de Dodro.

Estas iniciativas súmanse ao proxecto para completar a extensión da banda ancha no concello no marco do Programa UNICO do Goberno, que vai permitir levar a conexión de Internet de altas prestacións a 88 familias e empresas que ata o de agora carecían deste servizo.

“Estes son algúns exemplos do compromiso do Goberno cos pequenos concellos, coa mellora da súa contorna e das condicións de vida dos seus habitantes e ao longo deste ano 2024 imos continuar traballando nesta liña, da man dos concellos galegos, para dar resposta ás demandas e necesidades dos veciños e veciñas”, avanzou o delegado.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies