Skip to content
Lindeiros

Lindeiros

Lindeiros, o xornal da bisbarra de Compostela e da súa capital,

Primary Menu
  • Xeral
  • Axenda
  • Concellos
  • Contacta
  • Dodro
  • Xeral

Dodro reduce un ano máis o volume de lixo xerado

dodro reciclaxe

O concello de Dodro rematará o ano reducindo novamente o volume de residuos que envía a SOGAMA. Co propósito de intensificar esta tendencia e ampliar o alcance da compostaxe doméstica o municipio solicitará unha subvención á Consellería de Medio Ambiente e Cambio Climático para a adquisición de 220 novos composteiros.

O obxectivo final é que un maior número de fogares poidan beneficiarse deste servizo. A iniciativa desenvolverase en colaboración cunha empresa especializada, que se encargará tanto da formación como do seguimento da veciñanza participante, garantindo un uso correcto e eficaz dos composteiros.

Un traballo continuado

Dodro reafirma o seu compromiso cunha xestión responsable dos residuos urbanos, apostando pola redución, reutilización e reciclaxe como xeito de avanzar cara a un modelo máis sostible e respectuoso co medio ambiente.

Nos últimos anos, o goberno municipal vén desenvolvendo diversas actuacións orientadas a mellorar a xestión dos residuos e a facilitar a implicación activa da veciñanza.

Entre estas iniciativas destaca a habilitación dun terreo municipal destinado ao depósito de ramas e restos de poda, que posteriormente son triturados, permitindo unha xestión máis eficiente e sostible dos residuos vexetais.

Ao mesmo tempo co obxectivo de achegar os servizos de reciclaxe á cidadanía, o Concello de Dodro puxo en funcionamento un punto limpo móbil que percorre as distintas parroquias do municipio, facilitando a correcta separación dos residuos e promovendo hábitos responsables entre os veciños e veciñas.

Outra das liñas estratéxicas de actuación foi o impulso da compostaxe doméstica. Dodro  solicitou novamente a colaboración de SOGAMA, que se comprometeu a repetir a experiencia de anos anteriores cedendo 30 composteiros, acompañados de material informativo e da realización dunha charla formativa dirixida á veciñanza, co obxectivo de fomentar unha correcta xestión da fracción orgánica nos fogares.

Estas actuacións contribúen de maneira directa á protección do medio ambiente e, ao mesmo tempo, permiten conter o incremento dos custos asociados á xestión dos residuos, apostando por un modelo máis sostible, eficiente e economicamente responsable para o conxunto da cidadanía de Dodro.

Post navigation

Previous: Peregrinar conectado
Next: As facturas de Viaqua fan auga de novo

Máis novas

Un momento do pleno de Brion no que se destinou un millón de euros ao pago de facturas
4 minutes read
  • Xeral

Brión rebaixa a taxa do lixo

Rois: aprobadas en pleno a renovación de ordenanzas fiscais
3 minutes read
  • Xeral

Rois actualiza licencias e cede xestión á Deputación

Concello de A Estrada_DSC9226 slide_r
3 minutes read
  • Xeral

Reclama que se respete na Estrada a Lei de Memoria Democrática

compostela arco de mazarelos_good 7 novembro 2026
3 minutes read
  • Compostela

Unha nova vida para o Arco de Mazarelos

ateneo desafios intelixencia artificical 7 novembro 20226
2 minutes read
  • Xeral

Os desafíos da Intelixencia Artificial nos Luns do Ateneo

mancomunidade ordes saida patrimonio 5 novembro 2026
2 minutes read
  • Xeral

Nova saída para coñecer a Mancomunidade de Ordes

bng maes parquing milladoiro 6 novembro 2026
3 minutes read
  • Xeral

As incógnitas do aparcadoiro do Milladoiro

deputacion via verde remata en marzo 6 de novembro 2026 (1)
4 minutes read
  • Xeral

A Vía Verde podería estar rematada en marzo

Etiquetas

25N (53) alcaldes (78) asociacións e fundacións (2086) Ciencia (116) Comercio e empresa (665) Coronavirus (278) Crechas (38) Cultura (2831) Curtocircuito (40) Deportes (751) Economía (450) Educación (778) eleccions (50) Emprego (244) Entroido (42) Festas e Feiras (623) Festivais (837) Galego (146) Institucións (1441) lixo (88) Mancomunidade de Ordes (45) Mandingo (92) Medio Ambiente (1626) muller (187) Nadal (200) Obradoiro Cab (79) o máis lido da semana (55) Patrimonio (834) Plataforma Casalonga limpa de residuos (81) Plataforma Veciñal Mina Touro O Pino NON (42) Plenos (740) Politica (951) saúde (534) Servizos (2704) sindicatos (109) Social (567) sucesos (133) Tabernalia (184) Tecnoloxía (46) Transporte e estradas (703) Turismo (223) Universidade (588) urbanismo (265) xuntas de goberno (37) Xustiza (120)
  • Facebook
  • X
  • Instagram
  • BSky
  • Youtube
  • Whatsapp
Copyright © 2026 All rights reserved. | MoreNews by AF themes.

Utilizamos cookies propias e de terceiros para garantir o correcto funcionamento do sitio web, medir o seu uso e mellorar os nosos servizos. Podes aceptar todas as cookies, rexeitar as non necesarias ou configurar as túas preferencias. Política de cookies

Configure cookies

Necesarias para que o sitio web funcione correctamente. Non se poden desactivar desde este panel.

Axudan a medir o uso do sitio web e a mellorar os seus contidos.

Permiten publicidade, medición de campañas ou personalización de anuncios.

Gardan preferencias ou permiten contido externo non necesario.