Será o vindeiro 23 de abril no CPI Eusebio Lorenzo Baleirón. Un libro – disco que reúne parte do traballo de recollidas e entrevistas que Xabier levou acabo ao longo de toda a xeografía galega entre o 1989 e o 2012.
O mércores 23 de abril, ás 20.00 h CPI Eusebio Lorenzo Baleirón de Dodro, Xabier Díaz presentará “Cancioneiro galego serodio (1989 – 2012)” ou como el mesmo di “Unha viaxe polo país da mil muiñeiras”. Unha presentación que se fai en colaboración coa Deputación da Coruña.
O nome de “serodio” parte, segundo Díaz, de que o seu ámbito temporal pon o foco no último cuarto do pasado século e apenas as primeiras décadas deste. Un cancioneiro que presenta apuntes e descubertas “pouco coñecidos aos que non se lles tiña prestado atención, por difícil que poida parecer”.
En este libro – disco, que recolle anos de investigación, Xabier Díaz contou coa colaboración de informantes e cantareiras de Dodro. Como exemplo a seguinte peza publicada nas redes polo autor:
Castañetas de loureiro,
quen ten amores non dorme
senón o sono primeiro.
𝐑𝐞𝐛𝐨𝐢𝐫𝐚𝐬 (𝐋𝐚𝐢́𝐧̃𝐨, 𝐃𝐨𝐝𝐫𝐨, 𝐀 𝐂𝐨𝐫𝐮𝐧̃𝐚)
Un traballo que abrangue o total do territorio galego, as catro provincias, e mesmo os territorios arraianos. Un disco que nace da “viaxe dun mozo de vinte anos que comeza a facer traballos de campo” e que contribúe a revalorizar a música e baile que dura ata os nosos días.
Como explica Xabier Díaz “a transcrición dos textos líricos das case cincocentas entrevistas que foron realizadas ao longo de trinta anos de camiño, vén adornada de anécdotas, sorpresas, e fantásticas historias das propias informantes, protagonistas tamén das fotos, e dunha morea de audios orixinais das compilacións”.
Desde o concello de Dodro convidan á veciñanza a participar de esta presentación e desfrutar da nosa música e dun dos nosos máis queridos músicos e estudosos do floclore galego.
