Bisbarra, 15 de novembro do 2024 – O concello de Dodro ven de convocar o premio Eusebio Lorenzo Baleirón para alumnos de infantil, primaria e secundaria do concello.
O Obxectivo do premio e promover o uso do galego e a creación artística entre os estudantes do concello. O concurso inspírase na obra de Lorenzo Baleirón “Libro dos viaxes e dos soños”, publicada en 1985 e dirixida á infancia e a mocidade.
Baleírón publicou este texto con 23 anos e na última páxina escribía “Esta é a historia dun suceso non sei se pasado ou presente, non se soñado ou vivido”. As obras que se presenten deberán inspirarse precisamente nos viaxes e nos soños.
Bases
As bases están a disposición dos participantes na web do concello, www.dodro.gal . Convócanse dúas categorías, a primeira de imaxe creación literaria pide a creación dunha composición que fusione un debuxo, imaxe, ilustración ou pintura cun poema ou relato.
A segunda categoría é a de vídeo creación literaria e propón crear unha composición que fusione imaxe, son, movemento e texto dando como resultado un videorrelato ou un videopoema.
Establécense tres premios, un para cada un dos niveis de ensino (infantil, primaria e eso) nos que cada ganador recibirá un lote de libros. As obras, en galego, serán orixinais e inéditas.
Os textos, imaxes, ilustracións ou elementos usados nas composicións terán que estar libres de dereitos de autor. Cada participante só poderá entregar un traballo en soporte dixital. O prazo de recepción de obras remata o vindeiro día 10 de decembro as dúas da tarde.
