O alcalde de Dodro, Xabier Castro, explica que os orzamentos “son os únicos posibles” e deles depende o financiamento do SAF e a nova RPT.
Cando en Lindeiros falamos de concellos pequenos antes o despois aparecen os problemas de financiamento. Nos últimos exercicios a aportación de estes municipios ao Servizo de Axuda ao Domicilio, SAF, acaba por condicionar todo o orzamento, si se suma ogsto en persoal apenas queda nada.
Dodro levou a un pleno extraordinario estas dúas cuestións, orzamentos e RPT, coa intención de aprobar unhas contas que estabilizará a situación municipal. Sen embargo o goberno socialista de Xabier Castro non atopou máis apoio que o do BNG, insuficiente para sacar as contas adiante.
Os nacionalistas explicaron que non eran os seus orzamentos pero que se incluíran cuestións por eles demandas e polo tanto os apoiarían. Pola súa banda tanto PP como Unidade Veciñal de Dodro pedían unha cousa e a contraria, querían máis investimento pero non estaban dispostos a apoiar os orzamentos.
Xente de Dodro pola súa banda seguiu na mesma tónica dos últimos plenos. No anterior xa advertira que todos os seus votos serán negativos e en este volveu a insinuar corruptelas que a xustiza ven de aclarar que non existen.
A non aprobación dos orzamentos leva ao alcalde, Xabier Castro, a vinculalos a unha cuestión de confianza. Volverán a pleno, si se perde a cuestión de confianza a oposición terá un mes para presentar unha moción de censura e se non a presenta os orzamentos quedarán aprobados.
Si se gana a moción de confianza tamén quedarán aprobados. Si se presenta unha moción de censura e se perde tamén quedarán aprobados e a gana que se presente a alcalde será o novo rexedor.
RPT Relación de Postos de Traballo, RPT, que inclúe unha praza de arquitecto a tempo completo e asume tres postos xa fixos que foron regularizados dentro do proceso de estabilización de funcionarios impulsado desde o goberno central no último ano.
Esta nova RPT depende da aplicación do novo orzamento xa que o gasto de persoal increméntase e non se pode asumir cunhas contas prorrogadas. Esta é unha das razóns, xunto co financiamento do SAF, argumentadas polo equipo de goberno para vincular os orzamentos á cuestión de confianza.
O novo pleno que se convocará obrigará aos grupos da oposición a definir unha opinión clara sobre que se pode facer. Xente de Dodro, previsiblemente, votará en contra sen explicar ben porque pero tanto PP, como Unidade Veciñal e BNG deberán decidir que queren facer.
