A praza do concello acolle xa o “Paseo das Estrelas” que homenaxea a 20 mulleres de tódolos ámbitos e sectores da cidadanía como conmemoración do 8 de Marzo.
O Salón de Plenos de Dodro, ateigado de xente, foi hoxe o punto de partida do acto central de conmemoración do Día Internacional da Muller, celebrado o pasado 8 de marzo.
O alcalde Francisco Xabier Castro, xunto cos membros do goberno recibiron á cidadanía. Durante a presentación do acto, a concelleira de Servizos Sociais, Igualdade e Relacións Veciñais, María Teresa Batalla, destacou que “O Paseo das estrelas de Dodro xurdiu como unha idea para visibilizar a importancia das mulleres na sociedade, de todas as mulleres, sexa cal sexa a súa condición, relixión, idade, formación, profesión…porque todas sodes importantes e necesarias”.
Despois da visualización dun vídeo no que se explicaba a traxectoria das homenaxeadas, entregouse un agasallo e realizouse a lectura do manifesto do 8M. Xa na Praza do concello, o alcalde procedeu a destapar a placa xenérica do paseo e despois cada unha das 20 mulleres destaparon a súa estrela, ao puro estilo de Hollywod.
Este paseo irase aumentando cada ano coincidindo co 8M. Nesta primeira edición rindeuselle homenaxe a:
1. Concelleira de Servizos Sociais, Igualdade e Relacións Veciñais. Mª Teresa Batalla Romero
2. Muller inmigrante Hiba Makiyah
3. Muller deportista Verónica Calvo Dopazo
4. Representante Centro Día maría a. Couto feteira
5. Representante Escola Infantil Virginia Calvo Cardama
6. Representante do CRA Milagros González Laceiras
7. Representante das mulleres maiores. Minia Fernández González
8. Representante de Amipa-persoas con discapacidade Inés Varela Romero
9. Representante de Andaina-Prosaúde mental Carmen Tourís Reboiras
10. Muller universitaria e Representante da ANPA. Isabel Queiruga Figueiro
11. Poeta e representante colectivo LGTBI+ Anaís Iglesias Francisco
12. Muller coidadora de persoas maiores ou dependentes. Gloria Romero Vidal
13. Muller emprendedora. Tania Casal Calvo
14. Representante Centro Saúde. Estrella Ponce García
15. Muller supervivente. Mª Esther Rodríguez Abuín
16. Nai con responsabilidades familiares non compartidas. Mª Yolanda Silva Ares
17. Homenaxe póstumo á muller máis lonxeva. Soledad Tarrío Pérez.
18. Representante CPI Ana Fernández Pérez
19. Embarazada ou lactante Alicia Pérez Bustelo
20. Muller que este ano cumpra a maioría de idade. Alma Souto
