Dodro, 05/03/2026 – O concello de Dodro preparase para a celebración do 8 de marzo, Día Internacional da Muller. Desde o Centro de Información da Muller Dodro Padrón este ano ponse o foco na educación e na visibilización.
A primeira das actividades celebrouse esta semana e estivo dirixida á infancia, un xeito de construír un futuro máis igualitario para esta sociedade. O día 2 de marzo difundiuse a campaña “Agresión Off, Eu Digo Non Á Violencia Sexual” entre o alumnado de primaria do CPI Eusebio Lorenzo Baleirón, sementando tolerancia de cara ao futuro.
Mañá 6 de marzo celebrarase o acto central coa lectura do Manifesto Institucional 8M na praza do Concello ás doce do mediodía. A continuación ampliaremos o “Paseo das Estrelas de Dodro” no que este ano homenaxease a distintas organizacións.
O Paseo das Estrelas inaugurábase hai un ano como “unha idea para visibilizar a importancia das mulleres na sociedade, de todas as mulleres, sexa cal sexa a súa condición, relixión, idade, formación, profesión…porque todas sodes importantes e necesarias”, en palabras da concelleira de Servizos Sociais, Igualdade e Relacións Veciñais, María Teresa Batalla.
Aquel día descubriuse a placa conmemorativa na Praza do Concello e as 20 primeiras estrelas que este anos serán ampliadas en esta segunda celebración do 8M desde a creación do Paseo.
Dende o Concello anímamos á veciñanza a sumarse ao acto central e facer crecer o noso Paseo das Estrelas. Agardámosvos!!!!!
