Vila de Cruces, 17 de marzo do 2022 – A desaparción duns mapas do Legado Hilgen chega aos xulgados tras a demanda presentada polo concello de Lalín.
O BNG reclama ao mesmo tempo que se constitúa a Comisión de Investigación, aprobada a instancias dos nacionalistas, nun pleno municipal.
A todo esto súmanse as peticións da Valedora do Pobo que reclama os datos que se teñan sobre a desaparición e pregunta ao concello por si se comunicou á fiscalía os feitos, si se creo a Comisión de investigación e, de ser así, cales foron as súas conclusións.
Os mapas do Legado Hilgen
Como contamos no seu día o Legado Hilgen foi cedido no 2012 ao concello de VIla de Cruces para ser exposto. Cando volveu a Lalín, ao ser reclamado no 2018, faltaban unha serie de mapas sen que ninguén fora quen de explicar que sucedera con eles.
A demanda presentada polo concello de Lalín cita ao concello de Vila de Cruces para que se presente no xulgado con avogado e procurador para respostar sobre a desaparición.
Comisión de investigación
Por outra banda o BNG de Vila de Cruces conseguiu sacar adiante unha moción en pleno para a creación dunha Comisión de investigación cun calendario de accións moi concretar, mesmo citando a implicados para que responderan sobre o sucedido.
O alcalde dixo estar disposto a colaborar coa xustiza pero non a crear a comisión. O BNG lembra que esa declaración “incumpre a lei de Bases de Réxime Local que no seu artigo 21 di que é atribución do alcalde ordear a publicación, execución e facer cumprir os acordos do pleno do concello”.
Os nacionalistas consideran que o acordo aprobado en pleno “é de obrigado cumprimento para o grupo de goberno e non admite máis demoras para poñela en marcha, máis aínda se o descarte non se sustenta en motivos técnicos ou xurídicos”.
A comisión foi aprobada en novembro pasado. Saíu adiante cos votos favorables de PSOE e BNG, a abstención do PP e os votos en contra do equipo de goberno.
