займ срочно

A Deputación investirá 900.000 euros en Oroso

0

Bisbarra, 30 de marzo do 2023 – O Presidente da Deputación, Valentín González, anunciou u investimento de 900.000 € en Oroso destinados á reforma da avenida da Grabanxa e ao novo centro deportivo de Sigüeiro.

González Formoso reuniuse no concello con alcalde de Oroso, Luís Rey, e con concelleiros do equipo de goberno, entre eles o deputado de Economía e Facenda Antonio Leira. Na súa intervención, destacou “o grande apoio da Deputación da Coruña aos concellos para acometer proxectos que sen a colaboración provincial serían inviables”.

O investimento na avenida da Grabanxa será de 500.000 euros nunha reforma que irá desde a Praza da Foca ata o CEIP de Sigüeiro. Esta actuación ten un prazo de execución de seis meses. Mellorará unha das principais entradas de Sigüeiro coa reposición dos servizos básicos de abastecemento e saneamento e a definición dunha nova aliñación do bordiño para executar posteriormente novas beirarrúas, vados peonís e badéns.

Tamén se renovará o pavimento asfáltico, melloraranse os accesos aos garaxes, instalaranse novas luminarias, plantaranse árbores, instalaranse xardineiras e recolocaranse elementos de mobiliario urbano.

Por outra banda, Valentín González Formoso tamén comprometeu unha aportación de 400.000 euros para cofinanciar a execución do proxecto do novo Centro Deportivo de Sigüeiro, presentado a finais do ano pasado.

A aportación provincial quedará comprometida no pleno deste vindeiro venres a través dunha modificación de crédito e tanto o Concello como a Deputación agardan que a Administración autonómica se implique tamén na cofinanciación desta infraestrutura deportiva.

O alcalde de Oroso agradeceu “a implicación e o compromiso de Valentín Formoso e da Deputación da Coruña coas necesidades do Concello de Oroso” e lembrou que outro dos “proxectos estrela” deste mandato, a Vía Verde Compostela-Tambre-Lengüelle, “tamén leva o cuño da Deputación da Coruña”.

“Con estas dúas obras anunciadas hoxe estamos a construír un Oroso aínda máis moderno e dinámico e iso sería inviable sen contar coa colaboración dun político como Valentín e dunha institución como a Deputación da Coruña”, subliñou Luis Rey.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies