Tordoia, 10 de decembro do 2018 – A pasada semana a A conselleira de Medio Ambiente, Territorio e Vivenda, Ángeles Vázquez, asinaba a aprobación definitiva do PXOM de Tordoia sen que, según o Psoe, exista no concello ningún documento que o acredite.
O portavoz socialista, Carlos García, decidiu non asistir ao acto da sinatura xa que o considerou “electoralista”. García explica que “dende o primeiro momento, os socialistas dixemos que queríamos un Plan Xeral porque é o que a veciñanza e as empresas de Anxeriz precisan. Dixemos que aceptaríamos calquera PXOM, sexa cal sexa ou como sexa”.
O voceiro do PSdeG-PSOE de Tordoia presentou un escrito no Concello no que xustifica a súa ausencia “por non ter, nin existir a día de hoxe ningún documento que acredite dita formalidade por parte de Urbanismo, unha vez contrastada a información co persoal funcionario do Concello. Non está nin o planeamento presentado nin o visto e prace á documentación presentada”. Unha documentación que será reclamada polo grupo municipal socialista na próxima sesión plenaria.
Carlos García agradece a visita da conselleira de Medio Ambiente e reitera as súas desculpas pola ausencia, “pero entendan que 11 anos a voltas co PXOM é moito tempo e iso de que xa tiñamos PXOM en Tordoia xa o escoitei en máis dunha ocasión”.
