Na última década instalacións deportivas como un ximnasio foron converténdose en peza clave dos servizos de deportes dos concellos. Un tipo de material que require dun mantemento que non sempre se fai e non sempre do mellor xeito.
O BNG de Santa Comba denuncia precisamente o mal estado no que se atopa o ximnasio municipal e esixe que se soluciones os “graves problemas de deterioro”. O portavoz nacionalista, Juan David Sixto, ven de rexistrar unha iniciativa en este sentido xa que o deterioro está afectando e poñendo en risco ás persoas usuarias das instalacións.
Auga encharcada, goterias continuas, perigo nas instalacións eléctricas e deterioro avanzado das máquinas deportivas son algúns dos problemas que segundo a denuncia do BNG afectan ao ximnasio municipal de Santa Comba.
Para os nacionalista “a situación estase complicando día a día xa que coas fortes choivas a auga aínda está a provocar un maior deterioro e podemos ver como inunda algunha superficie e mesmo se concentra en zonas próximas ás instalacións eléctricas”. Juan David Sixto alerta dos “riscos que conleva unha situación así, que cada día vai a máis polo que non é posíbel demorar máis a execución das medidas necesarias”.
