Lindeiros, 07/07/2026 – Roteiros, charlas, xuntanzas, muralismo… o Delas Fest chega un ano más á bisbarra coa garantía de ser o único festival de Europa de este tipo con perspectiva de xénero.
O Delas Fest é unha rede feminista de traballo na que se visibiliza e reivindica a labor das artistas, en todas as súas facetas. O evento pon en valor os saberes das mulleres que conforman as fontes documentais destas e sen as que o Delas Fest non tería sentido. Esta edición segue traballando para crear toda unha xenealoxía e empraza á xente a unirse a través do programa “ti tamén podes formar parte!”. Unha participación que se concreta en encontros de anfitrioas e distintas actividades que se desenvolven a medida que o programa avaza.
As intervencións murais deste 2026 no Delas Fest están ao cargo dos pinceis e sprais das artistas mexicanas Janín Nuz (San Luis Potosí, 1990), ilustradora e artista urbana, que levará a súa arte á rúa Cruz da Nogueira nº10; Yuda (Jalisco, 1998), muralista e artista en gran formato, que desenvolverá o seu traballo na rúa Suarribas nº61; as dúas intervencións en Compostela.
A outra parte do Delas Fest levará á galega Nana (Santiago de Compostela, 1983), artista urbana, ilustradora e educadora artística, pintará na Piscina Municipal de Brión (Be One, Lugar de Pedrouzos, s/n); e a Isa Bermúdez (Hadamar, Alemaña, 2001) que compaxina a práctica e docencia artística, e executará a súa obra no espazo que acolle a Unidade de Atención Temperá de Negreira (Rúa Rosalía de Castro, 1).
As intervencións murais terán lugar entre o 13 e 19 de xullo en Compostela, entre o 17 e o 23 de xullo en Brión e entre o 27 de xullo e 2 de agosto en Negreira. Chegar aos muros é posible grazas á convocatoria de Muros en Man Común, aberta todo o ano para que a veciñanza destes concellos poidan candidatar as súas fachadas a este repositorio.
O cartaz da presente edición é obra da artista Pía Piadosa (Lugo, 1991), que creou unha medusa da pintura para protagonizalo. Para a tipografía, feita a man, inspirouse na artista urbana Margaret Kilgallen, finada en 2001.
Este programa é posible grazas á liña de subvencións da Deputación da Coruña, aos Concellos de Santiago, Brión e Negreira, e ao patrocinio de Montana Colors, Ibersa-El Mundo del Pintor, Alro Maquinaria e Gadis, así como á colaboración de Cafés Candelas e Daveiga-Galletas Mariñeiras.
