Curtocircuíto abre as seccións Explora e Planeta GZ

Compostela, 1 de outubro do 2018 – O Festival Internacional de Cine Curtociruíto comeza hoxe as seccións Explora e Planeta GZ despois de inaugurar o festival o pasado sábado.

Esta mañá Curtocircuito ten tamén a a primeira sesión do Seminario Arredor do Son: cara una práctica do deseño sonoro impartido por Charly Schmukler. Nel, Schmukler, un dos máis reputados sonidistas estatais, falará do deseño sonoro para cine e videoxogos tratando temas como a linguaxe e a produción audiovisual, o son inmersivo, ou as técnicas de produción de audio; todo desde as dez no auditorio Abanca. Tamén pola mañá comezarán as primeiras proxeccións das sección dedicadas os máis novos, Criaturas e Teenage Riot, que reunirán a máis de 250 rapaces e rapazas de entre 6 e 18 anos.

A sección Explora, centrada na búsqueda de novas caligrafías fílmicas, inaugurarase cunha sesión ás 18h30 no Teatro Principal. Nesta primeira sesión contaremos coa presenza de Alberte Pagán, director do filme Uluru, que tamén participará na actividade Café con CREA: Filmade, filmade malditos! nun encontro aberto ao público no que estará acompañado pola Sandra Sánchez e no que se mostrarán os diferentes xeitos de abordar a creación e a súa posta en práctica dende dúas perspectivas diferentes.

Para rematar, ás 22h30, o Teatro Principal acollerá a primeira sesión da sección Planeta GZ, unha competición que aglutina as producións galegas que Curtocircuíto considera máis arriscadas e interesantes, ao mesmo tempo que intenta conformar un conxunto que represente a heteroxeneidade da escena galega. Nesta sesión estarán presentes Sandra Sánchez, Noela Gutiérrez Taboada e Brandán Cerviño que presentarán os seus traballos e terán un encontro co público ao rematar a proxección.