TEO TURISMO
займ срочно

O CSIC celebra en Galicia o “Día Internacional da Muller” e o “Día do Naturalismo Galego”

0

Compostela, 5 de marzo do 2024 – O Consello Superior de Investigacións Científicas (CSIC) conmemora o 8 de marzo, “Día Internacional da Muller”, e do 9 de marzo, “Día do Naturalismo Galego”.

Dúas citas que terán lugar esta semana, venres e sábado, e para as que o CSIC preparou unha serie de actividades en Compostela e Pontevedra. Para o “Día Internacional da Muller” o venres, 8 de marzo, de 18.30 a 20.00 horas, na Cidade da Cultura terá lugar “Conversas con merenda. É posible contar a Historia doutro xeito?”, unha conversa

entre Miguel García-Fernández, investigador do Instituto de Estudos Galegos Padre Sarmiento (IEGPS, CSIC, Xunta) especializado no estudo da historia das mulleres, e os asistentes.

O obxectivo é debater sobre os silencios (e as resistencias) que aínda persisten, tanto no ámbito da investigación como no da divulgación e no ensino da historia en todos os niveis educativos, en relación co papel e o protagonismo que tiveron as mulleres na historia de Galicia.

A actividade, duns 90 minutos de duración, diríxese ao público xeral e é gratuíta previa reserva. Está coordinada pola Unidade de Cultura Científica do CSIC en Galicia coa colaboración do Instituto de Estudos Galegos Padre Sarmiento (IEGPS, CSIC-XUGA).

Día do Naturalismo Galego

Para conmemorar o “Día do Naturalismo Galego” hai dúas actividades. Por unha banda, o sábado, 9 de marzo, de 10.00 a 14.00 horas, na Misión Biolóxica de Galicia (Pontevedra), terá lugar “Obradoiro de ilustración científica con Clara Cerviño”. Está promovida polo Consello da Cultura Galega e a Delegación Institucional do CSIC en Galicia a través da súa Unidade de Cultura Científica.

Os asistentes descubrirán como é a ilustración naturalista e cales son as particularidades que a diferencian doutros tipos de ilustración. Para iso, aprenderán a observar con detemento os detalles propios de diferentes especies vexetais e a trasladar ao papel todas esas ideas, facendo un uso do grafito e acuarelas para poder transmitir coñecemento e gozar da natureza. 

Por outra banda, o xoves 21 de marzo, ás 10.30 horas, o IEGPS acollerá na súa sede (Santiago de Compostela) o seminario de especialización “Historia das (bio)invasións en Galicia: mecanismos, xestión e impactos no patrimonio natural”, impartido por Sergio Rodríguez Roiloa, da Universidade da Coruña.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies