Ames, 20 de decembro do 2021 – O Partido Popular de Ames reclama transparencia na contabilidade da EMMA, a Escola Municipal de Música.
Os Populares critican a falta de información sobre o déficit que acumula a escola de música que segue, din, “acumulando desafección veciñal e falta de prestixio”.
O PP de Ames é crítico co reparto dos gastos en diferentes partidas da denominada “promoción cultural” o que impide, din, coñecer a realidade do servizo. Engaden que nos últimos anos o recadado polo prezo público da escola sempre foi inferior ao orzamentado.
Según o grupo municipal popular de Ames os ingresos “apenas serven para cubrir o gasto de persoal dos profesores da EMMA. Uns gastos que ascenden, segundo información orzamentaria, a máis de 72.000 euros”.
O PP tamén explican que a falta de información tería solución “dotando á escola de música dun programa orzamentario propio como o teñen as escolas municipais infantís ou o servizo de normalización lingüística”.