Padrón, 26 de febreiro do 2018 – O Club Ciclista Padronés, Cortizo Anova, presentou aos corredores que formarán o equipo da 62º tempada de carreiras da formación.
O novo proxecto do Cortizo celebrou a súa presentación oficial nun acto no auditorio do Centro Social de Padrón ao que acudiron os corredores de todas as categorías.
O equipo, arroupado polas categorías inferiores e un salón de actos cheo, fixouse expectativas de mellora para este próximo curso cun equipo renovado e con novas incorporacións. Como obxectivos principais marcáronse como prioridades a Clásica de Pascua así como a Volta a Galicia e a Volta a Coruña.
Este ano, ademais, o equipo disputará a Copa de España, que dou comezo precisamente este mesmo fin de semana en Don Benito. Marc Sánchez foi o primeiro corredor do Club na xeral no posto 24 a un minuto do gañador, o ruso Savva Novikov do Lokosphinx, quedando o equipo no posición 14 da clasificación xeral.
