займ срочно

Conversa con Juan Gómez-Jurado, escritor

0

Conversas, 5 de marzo do 2024 – Hai pouco más dun mes falabamos con Juan Gómez-Jurado, un dos autores máis vendidos da historia da novela negra española e cuxas obras foron traducidas a máis de corenta linguas.

Imaxes de Loli Fernández

A pasada semana estreábase a serie de televisión inspirada no universo Reina Roja que esta sendo a máis vista de Amazon en España, a número dúas en Estados Unidos e a terceira a nivel mundial. Un éxito no que Juan Gómez-Jurado tivo tamén moito que ver.

Coa conversa con Juan Gómez-Jurado quixemos saber un pouco máis da persoa que hai tras o escritor. Alguén que viviu varios anos en Compostela e que aínda conserva vínculos persoais moi fortes coa cidade. Un home cunha exposición moi forte en redes sociais e que, con todo, mantén a súa intimidade a salvo.

Comezamos preguntando por ese paradoxo, esa capacidade de reservar a súa vida persoal mantendo unha presenza tan permanente nos medios. Gómez-Jurado explica que para el o “escritor persoa” é irrelevante, que a obra está por riba del e máis aínda a difusión da cultura.

Ë habitual vernas súas redes como entra en librerías a comprar e aproveita a asinar algúns dos seus volumes. Máis alá de ese interese pola difusión da cultura está a propia paixón do autor polos libros, polo feito de ler. Unha sensación que “so entenderá o que a experimentara en persoa”.

As novelas de Juan Gómez-Jurado son obras nas que un atopa unha impresionante labor de documentación, uns personaxes complexos definidos ao longo de todo o libro, unha historia calculada ao milímetro… un pregúntase como se sinte o autor ao remate de semellante traballo e a resposta e inmediata e rotunda “esgotamento”.

Reina Roja é un universo de sete novelas que poden ser lidas de xeito independente pero que, inevitablemente, fan que o lector queira máis. Gómez-Jurado explica que a orde na que se lean poden condicionar a experiencia, pode levar ao lector a volver a algunhas das novelas creando un novo itinerario, un novo universo.

Juan Gómez-Jurado viviu en Compostela dez anos e, como dicíamos, conserva lazos persoais moi fortes. Preguntámoslle o que é a cidade para el, unha cidade á que “ama”.

Un podería estar todo o día falando, ou deixando falar, a Juan Gómez-Jurado. Fala desde a honestidade e iso sorprende as veces xa que o que di é mais unha reflexión que unha resposta.

Conversando con el un entende mellor a complexidade do universo Reina Roja, é unha prolongación da imaxinación do autor. O día que estivemos con el pasara moi mala noite e estaba acatarrado pero en ningún momento deixou de implicarse na conversa, máis do que farían moitos, e por iso desde Lindeiros queremos amosar o noso agradecemento.

Juan Gómez-Jurado é un escritor que ten moito por ofrecer aos amantes da novela negra, teremos que esperar a que se recupere do esgotamento pero sen dúbida, antes o despois, volverá a sorprendernos cunha nova obra da que namorar.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies