Bisbarra, 25 defebreiro do 2025 . Xa non é un grito no deserto, os concellos afectados únense para pedir a gratuidade da AP-9 e hoxe asinarán un documento que reforce e comprometa está unión.
Ames, Padrón, Dodro, Rianxo, Boiro, A Pobra e Ribeira asinarán no Pazo da Peregrina, , hoxe martes 25 de febreiro a unha da tarde, un documento reclamando a constitución dunha mesa de traballo entre o Ministerio e os Concellos para traballar na liberalización paulatina da AP-9.
Os concellos poñen o foco en particular no tramo Padrón Santiago “dada a súa importancia para unir o Barbanza con Santiago e expulsar os vehículos das vías secundarias para facilitar que os núcleos urbanos e vilas se humanicen e recuperen o espazo para as persoas”.
Blas García, alcalde de Ames; Anxo Arca, alcalde de Padrón; Xavier Castro, alcalde de Dodro; Julián Bustelo, alcalde de Rianxo; José Ramón Romero, alcalde de Boiro; José Carlos Vidal, alcalde da Pobra; e Luís Antonio Pérez, alcalde de Ribeira; firmarán un documento dirixido ao Ministerio de Óscar Puente insistindo na importancia de abordar esta situación dende unha perspectiva “municipalista, apartidista e dende un punto de vista realista, poñendo ás persoas no cetro do debate e articulando un plan en varias fases que teña como obxectivo final a gratuidade da autoestrada do atlántico”.
