Bisbarra, 14 de decembro do 2023 – Os tramos de poboación marcan en moitos casos os recursos cos que contan os concellos e Vedra márcase o obxectivo de non baixar dos 5.000 veciños.
Esta semana coñecíanse os datos e Vedra con 4.960 persoas empadroadas, corenta menos que o obxectivo fixado. Como sucede en todos os pobos, por distintos motivos, a poboación é sempre maior que a consta oficialmente e por iso o concello pon en marcha unha campaña para axustar estas cifras á realidade.
A data límite é o 30 de decembro e para iso a campaña apela á sentirse do sitio no que se vive e empadroarse. Co lema “Se es de Vedra, Se gozas de Vedra … Se vives en Vedra … Empadróate en Vedra!!” o concello intentará superar a barreira dos 5.000 habitantes.
As persoas poden empadroarse nas dependencias municipais. Un trámite que só implica achegarse ao concello co DNI. Unha acción sinxela e rápida que pode axudar moito a que Vedra non baixe de categoría e manteña os recursos económicos precisos.
Para calquera dúbida ao respecto o concello lembra que se pode chamar ao 981814612 en horario de 9 a 14 horas de luns a venres.
