Compostela, 31 de xaneiro do 2023 – Máis de un millón e medios se destinarán á reforma da avenida Rodríguez de Viguri, en Santiago, que a Xunta de Galicia ven de sacar a licitación.
O proxecto para Rodríguez de Viguri contempla unha gran parada de transporte público no que se denominará Cidade de San Caetano. Este será o nome do novo edificio administrativo que se construirá nos terreos da antiga estación de autobuses da cidade.
Esta actuación está vinculada á execución da 1ª fase das obras dos dous primeiros módulos do edificio. O obxectivo da Xunta é iniciar ambas as dúas intervención na vindeira primavera, cun investimento autonómico conxunto de 36,2 M€
Adecuarase a rúa Rodr´guez de Viguri ao novo edificio administrativo, dando continuidade á urbanización executada no treito anterior e sendo tamén punto de partida da gran senda que unirá San Caetano coa intermodal, Conxo, o Hospital Clínico e O Milladoiro.
A parada de intercambio modal terá capacidade suficiente para dar cabida, polo menos, a cinco autobuses de liña regular ao mesmo tempo, tendo en conta que tamén prevé dar servizo aos autobuses urbanos que conectan co aeroporto e coa estación intermodal.
As empresas interesadas en executar a actuación poderán presentar ofertas ata o 27 de febreiro
