Compostela, 29 de novembro do 2022 – Santiago de Compostela disporá antes de fin de ano de 11 novos autobuses urbanos tras aprobar a Xunta de Goberno Local o seu aluguer.
Nove de estes novos autobuses estarán adscritos ao transporte urbano de viaxeiros antes dun mes segundo explicou o alcalde, Xosé Sánchez Bugallo “tres están xa dispoñibles e seis veñen de camiño”. Os autobuses reforzarán “aquelas liñas que presentan máis problemas e nas que hai maior número de viaxeiros”.
Os outros dous, substituirían a dous vehículos da liña 7 de San Roque a Aríns “Dous buses novos, que poderían empezar a operar entre esta semana e a próxima”, segundo avanzou Sánchez Bugallo. Ademais, apróbase a adscrición dun terceiro vehículo, con data de matriculación de 2016, como vehículo de substitución dos anteriores e sen custe algún para o Concello, para o suposto de que fose necesario.
Licitación do novo alumeado
A Xunta de Goberno Local aprobou tamén licitar o mantemento e subministro de alumeado público exterior do Concello, que prevé un aforro eléctrico superior ao 50%. Esta licitación corresponde ao alumeado das rúas, prazas e outros espazos públicos. Posteriormente licitarase outro contrato para o alumeado e mantemento dos edificios municipais. O orzamento base de licitación deste contrato é de 49.984.582,31, IVE engadido, e contémplase por un período de dez anos. Segundo explicou o alcalde está previsto substituír uns 30.000 elementos “actualmente temos aproximadamente unhas 28.000 luminarias e vanse incorporar algunhas máis. A previsión que hai, é que unha vez adxudicado, se subtitúan todas por leds, que na actualidade no superan o dez por cento do total”.
