Compostela, 21 de xaneiro do 2025 – O cisma socialista en Compostela verbalizouse este luns cunha rolda de prensa na que Gonzalo Muíños, Mila Castro, Mercedes Rosón e Marta Alvarez quixeron aclarar as razóns da situación actual.
Le “Crece o labirinto socialista en Compostela” para saber máis
Posteriormente Sindo Guinarte e Marta Abal, os outros dous concelleiros do grupo municipal socialista en Compostela, chegaron ao concello para votar ao novo voceiro. Unha reunión que non se celebrou e a saída da cal os medios puideron tamén preguntar pola situación.
Na rolda de prensa Gonzalo Muíños foi contestando a todas as acusacións que se recollen no expediente que acabou por suspendelo de militancia. O resumo de todo ese proceso é, segundo Muíños, un plan urdido por Aitor Bouza, secretario local do partido socialista en Compostela, e Marta Santullano, que forma parte da executiva local, para acceder ao cargo de concelleiros obrigando a dimitir aos actuais.
Mercedes Rosón apela á representatividade de Gonzalo Muíños cun exemplo moi claro: todo o mundo na cidade sabía que Muíños formaba parte da candidatura de Sánchez Bugallo e niguén coñecía a Aitor Bouza.
Mila Castro incidiu en que as normas do partido non poden estar por riba da lexitimidade e que o que está a suceder é unha vulneración de dereitos fundamentais.
Pola súa banda Marta Álvarez facía a intervención máis curta pero máis crúa ao explicar as presións ás que se viu sometida para que deixara a acta de concelleira e dimitira.
Sobre a polémica arredor da súa función de voceiro, Gozalo Muíños o ten claro: mentres o secretario do concello non diga o contrario el seguirá ocupando ese posto.
Ao longo da rolda de prensa todos os presentes falaron de “mercadeo de postos” e o propio Gonzalo Muíños explicou o que lle ofreceron si conseguía que as súas compañeiras dimitiran.
Sobre o cisma no propio grupo municipal, xa que Sindo Guinarte e Marta Abal apoian ao partido, Mila Castro e Mercedes Rosón explicaron que “algo pasou” e deixaron como dato a presunta afiliación de Marta Abal ao partido sen dicirllo a eles.
A outra veira do río
Sindo Guinarte , nomeado polo partido novo voceiro, convocara aos membros do grupo municipal a unha reunión para tomar posesión. A normativa indica que o grupo municipal debe votar ao novo voceiro que propón o partido polo que todos estiveron pero foi unha “non reunión” que durou seis minutos.
Á saída Guinarte e Abal contestaron ás preguntas dos medios comezando por esa diferencia de posicións que divide ao grupo municipal socialista en Compostela e dúas veiras. Sindo Guinarte explicou que desde o verán viñan insistindo na necesidade de falar co partido.
Máis alá da situación política está a práctica que se concreta na votación dos orzamentos acordados entre o goberno municipal, formado por BNG e Compostela Aberta, e o Grupo Municipal Socialista. Os votos en contra de Guinarte e Abal sumados aos dos PP tirarían por terra as contas pero polo momento é algo que non decidiron.
A outra derivada de esta situación non é menos importante e podería levar a “guerra” aos despachos do concello. Guinarte non contempla unha situación na que se pase ao grupo mixto, ou segue no grupo municipal socialista o marcha para casa
A dimisión de Guinarte ou Abal, segundo as fontes consultadas, abriría a posibilidade de que Aitor Bouza collera a acta de concelleiro. A situación que se produciría sería difícil de cualificar, as dúas correntes socialistas estarían baixo o mesmo teito.
Aitor Bouza falaba, catro meses despois de ser elixido como secretario local, dos cambios que quería facer comezando pola agrupación socialista. Veremos se é capaz de levar os cambios ata o edificio do concello
Pero ademais dicía que serían unha oposición resonsable e que apoiar os orzamentos ( no ano 2023) era unha boa mostra de esa actitude, queda por saber si segue pensando o mesmo.
Pero o socialismo en Compostela acostuma a facer equilibrios inesperados. Sendo voceiro Paco Reyes, estiveron anos se un concelleiro porque Antón Barba non quería coller a acta pero tampouco renunciaba a ela.
Este é un capitulo máis nas voces dos protagonistas, veremos cal é o seguinte.
