Este domingo percorreron as rúas de Compostela para protestar pola actual normativa e pedir a súa derrogación.
A derrogación da actual normativa que define a prescrición, dispensación e uso de medicamentos veterinarios foi o motivo principal dunha manifestación que reuniu a centos de profesionais do sector polas rúas de Compostela.
O lema da marcha era “Deixádenos traballar”, Con esta frase os veterinarios denuncián que a normativa impídelles tratar adecuadamente aos animais. Apuntan coas súas protestas ao Real Decreto 666/2023 sobre medicamentos veterinarios.
Para os veterinarios este decreto obriga a un sistema de prescrición que limita a súa capacidade para ofrecer tratamentos adecuados o que, como consecuencia, limita a capacidade de recuperación dos animais. A Federación Estatal de Sindicatos Veterinarios (Fesvet) emitiu un manifesto no que consideran que se trata dun sistema “ineficaz e prexudicial”.
Os veterinarios non se quedan só nas críticas ao decreto en cuestión. Estes profesionais denuncian outros problemas como a redución do IVA ou que dependan do Ministerio de Sanidade. Queren volver as prácticas anteriores ao decreto nas que os veterinarios subministraban os medicamentos ata completar os tratamentos como sucede “na maioría dos países europeos” explican.
