Fonseca xa nunca se queda soa como dicía a canción e o vindeiro mércores enchera o comedor de milongas e tangos na terceira edición do MilongUSC
Por terceiro ano consecutivo, o Espazo de Danza da USC que dirixe Juan Carlos Zahera reunirá no Colexio de Fonseca persoas amantes ddos tangos e milongas no MilongUSC.
Será o mércores 14 ás 20.00 horas no Comedor do Colexio, con entrada polo Xardín das Pedras que falan. No evento participará o alumnado do curso de Danza-tango 24/25 da USC que, baixo a ensinanza do profesor Ezequiel Merlo, amosará o aprendido nos últimos meses.
A MilongUSC é un espazo onde as persoas amantes dos tangos e da milongas se reúnen para bailar e socializar. Os e as bailarinas adoitan organizarse en ‘tandas’, que son series de tres ou catro cancións consecutivas do mesmo xénero, cun pequeno descanso entre elas. Durante cada tanda, os bailaríns buscan unha parella coa que bailar e poden cambiar entre elas.
