Ábrese a inscrición na V carreira e a andaina solidaria “Unha tarde con Samuel” que terá lugar o vindeiro 29 de marzo.
A distrofia muscular de Duchenne e Becker, a enfermidade que sofre Samuel é unha doenza rara, dexenerativa e polo de agora sen cura. Os músculos daquelas persoas afectadas debilítanse pouco a pouco ata perder a súa funcionalidade.
A finalidade de “Unha tarde con Samuel” e recoller fondos para proseguir coa investigación. Máis de duascentas persoas en toda España, arredor de 10 en Galicia, a sofren pero conseguir unha cura, as probas de laboratorio, a investigación en todas as súas fases é complicada por diversas causas.O Concello de Santiago colabora nesta iniciativa solidaria que constará de dúas modalidades: a carreira de 5 quilómetros, con saída ás 18:30 h; e a andaina de 2,8 quilómetros, con saída ás 17:00 h. Para a cativada, tamén se organizou, de xeito paralelo ás dos maiores, carreiras de diferentes distancias (2 km, 1,2 km e 350 m).
Segundo sinalou na presentación da proba a concelleira de deportes, Pilar Lueiro, “é un orgullo acoller probas deportivas no noso Concello, aínda máis cando teñen detrás unha causa solidaria como é o caso desta, organizada ademais por Samuel, un veciño noso afectado por esta enfermidade”.
A concelleira animou á veciñanza de Santiago e doutros concellos a participar nesta xornada, e colaborar coa recadación de fondos para a investigación desta enfermidade o mesmo día da proba ou a través de doazóns no ‘dorsal 0’.
A inscrición estará aberta ata o vindeiro mércores 26 de marzo. Todos os detalles, o regulamento, e os donativos do ‘dorsal 0’, están dispoñibles na web carreirasgalegas.com. Todo os fondos recadados destinaranse integramente á investigación desta enfermidade.
