Skip to content
Lindeiros

Lindeiros

Lindeiros, o xornal da bisbarra de Compostela e da súa capital,

Primary Menu
  • Xeral
  • Axenda
  • Concellos
  • Contacta
  • Xeral
  • Axenda
  • Compostela

Tránsitos Fest

Solidariedade Internacional Galicia celebra en Compostela os seus 30 anos co festival Tránsitos Fest

composyela transitos fest 9 outubro 2026

Composatela, 06/10/2026 – A ONGD Solidariedade Internacional Galicia vai celebrar o seu 30 aniversario cun festival itinerante que se celebrará o 17 de outubro. Unha cita que encherá a zona vella de Santiago de música, gastronomía, encontros e actividades infantís, baixo o nome de “Tránsitos Fest”.

A concelleira de Dereitos e Servizos Sociais, María Rozas, e a directora de Solidariedade Internacional Galicia, María Paz, presentaron o “Tránsitos Fest” nunha rolda de prensa na que tamén participou Xaime López, da empresa Urdime, coordinador do evento.

A tenenta de alcaldesa aproveitou a presentación para parabenizar á ONGD pola súa longa traxectoria e agradecerlle o seu traballo “no ámbito da cooperación internacional, na educación, no fomento do comercio xusto e, en definitiva, en prol da xustiza social”.

María Rozas salientou que esta celebración “chega nun momento no que vivimos nun contexto preocupante no que avanzan os discursos do odio e a desinformación, no que se cuestionan os valores da solidariedade, e no que moitos países reducen as súas achegas económicas á cooperación internacional”.

Pola súa banda, María Paz reiterou o agradecemento ao Concello de Santiago polo seu compromiso coa cooperación internacional e recoñeceu que para moitas entidades “está a ser un reto seguir traballando estando no punto de mira, sufrindo mesmo persecucións por mor destes retrocesos e perigosos discursos”. A directora de Solidariedade Internacional Galicia lembrou que nestes 30 anos, a entidade desenvolveu 90 proxectos, investiu máis de 6 millóns de euros, e traballou con 42 entidades locais en diferentes países.

Un evento que non queda quieto

O “Tránsitos Fest” celebrarase o 17 de outubro, con actividades ao longo de todo o día en tres espazos:  praza 8 de marzo, Mazarelos e Cervantes. Pola mañá, na 8 de Marzo, unha degustación de cacao e café de comercio xusto e o espectáculo familiar de Caxoto darán a benvida ao público. Ao longo da mañá haberá cine infantile música, coa proposta didáctica de Eixo Atlántico e o afro-dub sicodélico de Skanderani a modo de sesión vermú.

Para xantar, o festival trasladarase ao espazo gastronómico instalado en Mazarelos, onde se poderán degustar pratos de diferentes países e ás 16:30 h Haidée Castillo (defensora dos dereitos humanos e líder feminista en Nicaragua) e Ángel Berna (director executivo da Asociación para el mejoramiento habitacional de Guatemala) compartirán escenario e falarán de “Historias de cooperación e resistencia”.

Despois da palestra, na mesma praza terá lugar a actuación do artista angolano Alberto Mvundi, ao que lle seguirán dous grupos composteláns: Fuego Lolita, unha das bandas con maior proxección do Centro Xove da Almáciga, e Grampoder.

Ao remate dos concertos, a performer e artista visual Ana Gesto guiará ao público ata a última parada do camiño, a Praza de Cervantes. Alí, a partir das 20:30 h, o Coro da Ra e as pandereteiras de Bouba e Vivantes poñerán o punto final ao Tránsitos Fest.

Sobre Solidariedade Internacional Galicia

Solidariedade Internacional Galicia é unha organización non gobernamental que leva transitando os mundos da cooperación, a educación e a xustiza global desde 1996. Nestes trinta anos desenvolveron, da man de organizacións locais, máis de 60 proxectos de cooperación en países como O Salvador, Honduras, Bolivia, Palestina ou o Sáhara Occidental. Cunha forte incidencia na educación como ferramenta principal para construír unha cidadanía global, teñen ademais abertas tres tendas de comercio xusto na Coruña, Ourense e Pontevedra.

Post navigation

Previous: Emprender xogando con Lego e a USC
Next: Críticas ao PIA de Sabugueira, en Compostela

Máis novas

bng maes parquing milladoiro 6 novembro 2026
3 minutes read
  • Xeral

As incógnitas do aparcadoiro do Milladoiro

deputacion via verde remata en marzo 6 de novembro 2026 (1)
4 minutes read
  • Xeral

A Vía Verde podería estar rematada en marzo

KD&L
3 minutes read
  • Axenda

Kitty, Daisy e Lewis abren o Outono Códax Festival

Sesión constitutiva IX Lexislatura
3 minutes read
  • Xeral

Os colexios seguen pedindo reformas

Teo: Mara Cajaraville foi afeccionada aos cabalos dende que era moi pequena. Fotos familiares
5 minutes read
  • Xeral

San Martiño 2026

noia vai de tapas 5 novembro 2026 (2)
4 minutes read
  • Xeral

Noia vai de tapas

ames aproba novo credito para gastos ordinarios 2 novemro 2026
10 minutes read
  • Ames

Ames aproba un novo crédito extraordinario de 1,4 millóns de euros

cineurop a40 aniversario 2 novembro 206
8 minutes read
  • Axenda

Cineuropa celebra 40 anos

Etiquetas

25N (53) alcaldes (78) asociacións e fundacións (2086) Ciencia (115) Comercio e empresa (665) Coronavirus (278) Crechas (38) Cultura (2830) Curtocircuito (40) Deportes (751) Economía (450) Educación (778) eleccions (50) Emprego (244) Entroido (42) Festas e Feiras (623) Festivais (837) Galego (146) Institucións (1441) lixo (88) Mancomunidade de Ordes (45) Mandingo (92) Medio Ambiente (1626) muller (187) Nadal (200) Obradoiro Cab (79) o máis lido da semana (55) Patrimonio (832) Plataforma Casalonga limpa de residuos (81) Plataforma Veciñal Mina Touro O Pino NON (42) Plenos (738) Politica (951) saúde (534) Servizos (2704) sindicatos (109) Social (567) sucesos (133) Tabernalia (184) Tecnoloxía (46) Transporte e estradas (703) Turismo (223) Universidade (588) urbanismo (265) xuntas de goberno (37) Xustiza (120)
  • Facebook
  • X
  • Instagram
  • BSky
  • Youtube
  • Whatsapp
Copyright © 2026 All rights reserved. | MoreNews by AF themes.

Utilizamos cookies propias e de terceiros para garantir o correcto funcionamento do sitio web, medir o seu uso e mellorar os nosos servizos. Podes aceptar todas as cookies, rexeitar as non necesarias ou configurar as túas preferencias. Política de cookies

Configure cookies

Necesarias para que o sitio web funcione correctamente. Non se poden desactivar desde este panel.

Axudan a medir o uso do sitio web e a mellorar os seus contidos.

Permiten publicidade, medición de campañas ou personalización de anuncios.

Gardan preferencias ou permiten contido externo non necesario.