Compostela, 17 de xaneiro do 2025 – Hoxe é mañá Teatro do Noroeste pon no escenario do Teatro Principal de Compostela, como estrea absoluta, “Guerra” unha peza que xira arredor da guerra dentro do teatro.
Será a primeira das dúas obras de Teatro do Noroeste que Compostela Cultura programou para este primeiro semestre do ano dedicándolle así un dos seus chamados “Focos”. A partir das 20.30h de este venres é sábado o Principal convertese nun Teatro bombardeado no que habitan as personaxes de outras obras e de outras guerras.
Un drama salpicado de comedia que traen a Compostela Luma Gómez, Miguel Pernas, Manuela Varela, Maxo Barjas, Sabela Hermida e Xavier Estévez, con música de Bernardo Martínez, escenografía e vestiario de Carlos Alonso e produción de Eva Alonso.
Tras Compostela “Guerra” comeza unha xira que ten xa confirmadas tres datas: 1 de ferreiro: Ribadeo, 14 de febreiro: Teatro Rosalía Castro da Coruña e 15 de febreiro: Pazo da Cultura de Narón. Xa en maio volverán a Santiago con “Gloria Nacional” e pechar o “Foco” que se lles dedica.
Eduardo Alonso, dramaturgo
Eduardo Alonso leva case 60 anos facendo teatro desde os seus comezamos en Madrid. Teatro do Noroeste, fundada xunto con Luma Gómez, máis de 30; unha experiencia acumulada da que falamos no Teatro Principal e a poucos metros do Salón Teatro, sede do CDG do que foi tamén un dos impulsores.
Para Alonso a Rúa Nova de Compostela, onde atopan estes dos teatros é o máis parecido a estar na casa, polas veces que actuou e porque algo que el axudou a crear segue funcionando e con moi boa saúde
Despois de tantos anos Eduardo Alonso considera que se está a facer un teatro de moito calidade, explica que o que falta é estrutura que os manteña xa que seguimos moi atrás comparando con antes da pandemia. Unha reclamación constante das compañías é que nas grandes vilas ás programacións de obras sexan polo menos de dúas datas.
O certo é que o público responde. En Galicia tanto nos pequenos pobos como nas grandes vilas, como é o caso de Compostela, cando se programa teatro a xente acode e as salas énchense.
Preguntamos por esta nova creación que naceu a partir do bombardeo do Teatro Maríupol na guerra de Ucrania. Ese suceso inspirou a Eduardo Alonso para escribir esta “Guerra” que hoxe estrea.
Despois de tantos anos podería pensar que os nervios dunha estrea se mitigan pero Alonso explica que no teatro é sempre unha primeira vez, cando non é porque cambian os usos na forma de actuar faino a tecnoloxía polo que os nervios sempre están aí.
Teatro do Noroeste é unha das compañías máis consolidadas en Galicia e Eduardo Alonso un dramaturgo que, sen dúbida, deixou xa un pouso no noso teatro. O seu traballo serio e constante serviu xa para inspirar a moitos novos actores e directores polo que o respecto que se lle ten está máis que gañado. Ver o novo de Eduardo Alonso, nun teatro como o Principal de Compostela, é unha experiencia sempre gratificante e enriquecedora.
