O xulgado denegou onte as medidas cautelares solicitadas pola Unión Hoteleira para a suspensión da aplicación da denominada taxa turística
Hoxe entra en vigor a taxa turística na cidade de Santiago despois de que o xulgado non aceptara a paralización da mesma, como medida cautelar, no recurso presentado pola Unión Hoteleira.
O auto emitido polo xulgado indica que no aprecia “prexuízo económico inmediato e evidente” para os asociados da Unión Hoteleira e explica que “”a taxa non é un gravame económico directo e inmediato? para estes negocios, dado que non son quen pagan o tributo: fano quen pasan a noite na cidade”.
A Unión Hotelera emitiu un comunicado no que recoñece que non esperaba que as medidas foran aceptadas “a medida cautelar é unha medida preventiva e excepcional que non adoita admitirse a trámite e que, por tanto, xa nos esperabamos”.
Pero o proceso segue adiante. Desde o concello a tenente de alcalde e concelleira de turismo, Miriam Louzao, dicía o luns que non esperaba que se paralizara a implementación da taxa pero que en calquera caso e un proceso aberto que haber que esperar a ver como se resolve.
Na Unión Hotelera insisten en que “o noso deber era tentalo polos prexuízos económicos, organizativos e de incumprimento de prezos previamente establecidos para as reservas feitas con anterioridade á aprobación da ordenanza, e ante as posibles queixas e valoracións en liña negativas por parte dos nosos hóspedes”.
Os hostaleiros lembran tamén que o auto indica que “este non é o momento procesual para valorar a validez da normativa impugnada, que será obxecto de análise cando se dite sentenza” e afirman que “todos os nosos aloxamentos asociados están preparados para aplicar a taxa turística ás persoas que pasen a noite desde mañá (noite do mércores) e que por suposto, cumpriremos a ordenanza”.
