Compostela, 16 de abril do 2024 – Un mes e medio é o que queda para unha nova edición do Son do Camiño, tras o éxito do 2023 a organización conta con volver a encher o Monte do Gozo.
A pasada edición o Monte do Gozo ampliou o espazo para o Son do camiño o que non foi un impedimento para vender todas as entradas. Esta edición, con artistas como Green Day ou Pet Shop Boys, é de esperar que suceda o mesmo.
O Son do Camiño celebrarase do 30 de maio ao 1 de xuño. Os primeiros abonos vendéronse en cuestións de horas e a segunda oferta vai polo mesmo camiño. As entradas soltas van tamen a bo ritmo e da a sensación que o adianto no calendario non será un problema.
Artistas e días
O certo é que no Son do Camiño, teña un os gustos que teña pode atopar algo co que desfrutar. Desde o reggaeton de J. Balvin a uns clásicos como os Pet Shop Boys; do rapero Myke Towers ao asturiano Melendi; Ana Mena, Arde Bogotá, La Oreja de Van Gogh… unha macedonia musical na que todo cabe.
O xoves 30 de maio o Son do Camiño ábrese con Green Day, J Balvin, Arde Bogotá, Fernandocosta, The Interrupters, Mattn, Hot Milk, Berto y Maryland ocuparán os dous escenarios tradicionais. No novo, baixo o nome de Son Electro by Repsol, estarán Trym, Patrick Mason, Daria Kolosava, Kalte Liebe (Live), Parkineos, Barbara Lago y Kike Varela.
O venres 31 actuarán Pet Shop Boys, Myke Towers, Love Of Lesbian, Natos y Waor, Icona Pop, La Oreja de Van Gogh, Recycled J, Judeline, Marilia Monzón y Monoulious DOP. Na zona electrónica Solardo, Ben Hemsley, Viviana Casanova, Cristina Tosio, Toni Varga y Richi Risco.
O último día o Son do Camiño acollerá a Thirty Seconds To Mars, Melendi, Tom Odell, Rels B, Wade, Ana Mena, Baiuca, BB Trickz, Carlos Ares y New Wave Kill. No Son Electro By Repsol, Vitalic (Live), Tiida, Âme Hendrik Schwarz (Live9; Héctor Llamazares, Karras Martínes e Grobas.
Seguiremos moi atentos e o contaremos todo, o Son do Camiño abre o calendario de festivais en Galicia.
