Compostela, 30 de maio do 2024 – Hoxe comeza o Son do Camiño que ven de ser confirmado como o único festival en ser retransmitido en directo por TVE no 2024. .
O Son do Camiño consolídase de este xeito como o festival máis destacado de Galicia e un dos máis importantes de España. Mañá venres a 2 de RTVE retransmitirá en directo o concerto de Pet Shop Boys, un dos máis agardados xunto co de Green Day que abre hoxe o festival.
Máis o Son do Camiño da un paso máis este ano no eido audiovisual xa que suma a retransmisión de sete concerto na súa canle de Youtube. Unhas retransmisións que contan co patrocinio da Xunta de Galicia, Xacobeo e Estrella Galicia.
O xoves retransmitirase o concerto de Interrupters, de Fernando Costa, de Arde Bogotá e de Mttn. O venres serán emitidos os de Marilia Monzón e Natos Y Waor; e finalmente o sábado os de Baiuca e Wade.
O cartel do Son do Camiño 2024 inclúe máis de 40 artistas internacionais dos que destacan Green Day, J Balvin, Thirty Seconds To Mars, Myke Towers, Melendi, Pet Shop Boys, Rels B, Ana Mena ou La Oreja de Van Gogh entre outro.
A música electrónica terá a súa propia zona e o seu proio cartel. Unha programación de primeiro nivel con nomes como Trym, Vitalic (Live), Patrick Mason, Tiga, Henrick Schwarz y Kalte Liebe, Ben Hemsley, ou Daria Kolosova.
O Son Do Camiño é un festival creado por e para Galicia, promovido polas empresas galegas Esmerarte Industrias Creativas e Bring The Noise, co apoio activo da Xunta de Galicia e o Xacobeo. Desde a súa primeira edición en 2018, o festival converteu a Santiago nunha das capitais da música en directo en Europa cada mes de xuño. Estrela Galicia, principal patrocinador privado, colaborou desde o inicio, integrándose como parte esencial da experiencia do festival.
O recinto do festival acolleu este martes a rolda de prensa de presentación na que participaron O director de Turismo de Galicia, Xosé Merelles, xunto cos representantes das empresas promotoras Kin Martínez e Iván Mendez e do responsable de patrocinios de Estrella Galicia, Juan Inchausti.
