займ срочно

O pregón abre este sábado o programa de actos da Semana Santa de Compostela

0

Compostela, 8 de marzo do 2024 – A Semana Santa de Compostela comezan este sábado as actividade de este ano co pregón na igrexa de San Domingos de Bonaval.

Miguel Ángel Sánchez del Río, especialista en educación musical e organista de San Miguel dos Agros, será o encargado de pronunciar o pregón da Semana santa de Compostela a partir das 7 da tarde.

A programación completa foi presentada nun acto no que participaron a presidenta da Xunta de Confrarías, María Elena Bernárdez, o arcebispo de Santiago, monseñor Francisco José Prieto, a concelleira de Turismo, Míriam Louzao e a xerente de Turismo de Santiago, Flavia Ramil.

A Semana Santa e os desfiles procesionais, que terán lugar do 22 de marzo ao 7 de abril, virán precedidos de múltiples actos litúrxicos, gastronómicos, culturais e musicais na cidade. En canto ás procesións serán 14 as que percorrerán as rúas de Compostela, ás que se suma o exercicio do Santo Vía Crucis e a histórica procesión de traslado do Cristo da Paciencia de Conxo.

O programa inclúe as actividades culturais e exposicións que terán lugar durante estas semanas. Tamén destaca os concertos que se celebrarán dentro de “De Lugares e Órganos”, ciclo musical centrado no patrimonio organístico de Santiago. Ademais, inclúe os horarios de apertura de igrexas, algunha das cales abre excepcionalmente en Semana Santa.

Respecto da gastronomía, inclúese a celebración da Festa das Uñas de San Lázaro, que terá lugar do 16 ao 18 de marzo, e na que se pode degustar o tradicional prato de uñas en máis de vinte locais, tanto do barrio de San Lázaro como doutros barrios de Compostela.

Finalmente engádese unha proposta para amantes da natureza baixo o nome de “Santiago Natural”, recomendando en concreto a senda fluvial “O berce do Sar” con motivo das festas do barrio. Trátase dunha ruta de 5,5 kilómetros que atravesa de parte a parte o barrio de San Lázaro da cidade, seguindo o río Sar augas arriba, ata o seu nacemento.

O paseo permite coñecer o pasado e presente de Compostela, pasando a carón de antigos curtidoiros, vellos muíños e fontes que amosan os diferentes usos do río na antigüidade, e tamén de construcións máis modernas para facilitar o desenvolvemento urbano.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies