Compostela, 2 de xaneiro do 2022 – A Xunta de Goberno Local de Santiago decidiu iniciar o estudo de sancións polos retrasos nas obras de Concheiros e da ponte de Vidán.
As posibles sancións, no caso de Concheiros, “é compatible coa continuidade da obra” segundo indicou o alcalde, Xosé Sánchez Bugallo, O alcalde explicou que agora será preciso que o director facultativo, en tanto que responsable do contrato, realice o informe correspondente, que lle será comunicado á UTE contratista para que nun prazo de 10 días hábiles presente alegacións. “Unha vez presentada a contestación, emitirase un novo informe e en base a el ditarase a resolución que proceda”
Según BUgallo “Hai dous escenarios posibles, a rescisión do contrato e a continuidade. Nós apostamos pola continuidade, porque cremos que a rescisión sería enormemente prexudicial para os veciños, daría lugar á paralización da obra e a unha nova licitación”.
“Algo similar sucede coa obra da Ponte de Vidán”, engadiu. Neste caso “convalídanse as actuacións realizadas, requírese a continuidade da obra e o seu remate o antes posible”. O responsable do contrato deberá tamén emitir un informe no que de maneira xustificada analice os retrasos na execución do contrato respecto dos prazos totais e parciais para os efectos da determinación da posible apertura dun procedemento de imposición de penalidades.
Pavimentación de viarios
A Xunta de Goberno aprobou tamén o proxecto construtivo da obra de pavimentación de viarios secundarios en Verdía, Marantes, A Gracia, Marrozos, Sabugueira, Villestro, A Curuxeira e Aríns por orzamento total de 117.992,47 euros e un prazo de execución de 4 meses. Unhas obras incluídas no POS+ Adicional 2/2021 da Deputación da Coruña.
En materia de acción social, acordouse, un ano máis, a adhesión ao convenio de colaboración subscrito entre a Vicepresidencia Primeira e Consellería de Presidencia, Xustiza e Turismo, a Consellería de Sanidade, o Servizo Galego de Saúde, e a Federación Galega de Municipios e Provincias (FEGAMP) en virtude do cal se financian con 533.969,92 euros actividades da UMAD.
No ámbito das subvencións, á vista da liña subvencionable en materia de biorresiduos para as entidades municipais relativa a proxectos de implantación, ampliación ou mellora da recollida separada de biorresiduos destinados a instalacións específicas de tratamento biolóxico (compostaxe e/ou dixestión anaerobia) e unha vez constatado que se axusta perfectamente á política ambiental planificada polo Concello de Santiago, acórdase solicitar a axuda convocada ao abeiro da Orde 30 de novembro de 2021 da Consellería de Medio Ambiente, Territorio e Vivenda por un importe máximo subvencionable de 65.775,60 euros.
