Bisbarra, 22 de febreiro do 2025 – O Caldo de Gloria converteuse por dereito propio nunha das celebracións do Día de Rosalía máis nosas e máis acaídas.
Unha iniciativa posta en marcha pola Fundación Rosalía de Castro e á que cada ano súmanse máis locais, máis concellos e máis veciñanza. Unha idea inspirada no poema “Miña casiña, meu lar” na que a poeta explica como facer un caldo humilde e no que se relata a épica diaria da supervivencia.
En Compostela foi presentada este venres coa presenza da concelleira de Santiago, Miriam Louzao, a de Val do Dubra, Celsa Oreiro, o presidente de Hostalaria.gal, Lois Lopez, e o presidente do Patronato da Fundación Rosalía de Castro, Anxo Angueira.
En Compostela participan medio cento de locais que servirán o Caldo de Gloria, en Bembibre 10 e en toda Galicia centos que podes consultar no seguinte enlace https://rosalia.gal/wp-content/uploads/2025/02/listaxe-bares-caldodegloria-2025.pdf
Caldo e Rosalía de Castro son dúas pezas que definen o complexo e rico mundo do Galego, un xeito de vivilo pero tamén de mostralo aos de fora. Quentar o corpo e a alma, inxerir o que nace da terra e facer del unha parte do fogar. Desfrutemos de Rosalía, desfrutemos do Caldo de Groria.
